Policia Bashkiake u ka bërë thirrje qytetarëve të Tiranës të mos zënë më vendet e parkimeve me arka, bidona apo goma makinash, në të kundërt do të gjobiten. “Hapësirat publike janë të përbashkëta dhe nuk mund të rezervohen apo bllokohen në asnjë formë. Vendosja e objekteve të paligjshme krijon pengesa të panevojshme dhe cenon qarkullimin normal të komunitetit”, shkruan ajo në njoftimin e saj, teksa paralajmëron se ndodhet në terren për të siguruar që kjo masë të zbatohet.
Njoftimi i plotë i Policisë Bashkiake
📢 THIRRJE PËR TË GJITHË QYTETARËT
Policia Bashkiake u bën thirrje të gjithë banorëve të ndalojnë menjëherë vendosjen e bidonave, karrigeve, arkave, gomave apo çdo objekti tjetër me qëllim zënien e hapësirave publike dhe vendeve të parkimit.
🚫 Hapësirat publike janë të përbashkëta dhe nuk mund të rezervohen apo bllokohen në asnjë formë. Vendosja e objekteve të paligjshme krijon pengesa të panevojshme dhe cenon qarkullimin normal të komunitetit.
👮♂️ Policia Bashkiake, në bashkëpunim me strukturat përkatëse të Bashkisë, është aktualisht në terren dhe po largon çdo objekt të vendosur pa leje, duke marrë të gjitha masat e nevojshme për të garantuar rendin dhe aksesin e lirë publik.
🙏 Ju ftojmë të bashkëpunoni dhe të tregoni përgjegjësi qytetare për një ambient më të rregullt, më të sigurt dhe më të aksesueshëm për të gjithë.
