Deputeti demokrat Klevis Balliu akuzoi nga foltorja sistemin e drejtësisë për standarde të dyfishta, duke sjellë në vëmendje rastet e Sali Berishës dhe të ish-presidentit Ilir Meta, të cilët sipas tij, janë trajtuar me masa të ashpra sigurie, ndërsa Balluku, ndonëse nën hetim, nuk po përballet me drejtësinë.
“Po Belinda Balluku është e fuqishme që të ndërhyjë në hetime? Po Belinda Balluku si zëvendëskryeministre ka më shumë fuqi se opozita? Mos vallë Belinda Balluku si ministre e Infrastrukturës ka më shumë fuqi si opozita? Mos vallë Belinda Balluku si ministre e Energjetikës ka më shumë fuqi se opozita?”, tha Balliu.
Më tej ai iu drejtua institucioneve duke i pyetur se pse Balluku nuk arrestohet edhe pse akuzohet për shumë afera.
“Pse nuk ka një fletë arresti për të që ka aq shumë afera, sa duhen 1 mijë seanca Parlamentare të merresh vetëm me shoqe Belën. E vërteta është që është një sistem për të garantuar aferat”, theksoi Balliu.
Klevis Balliu: Kjo drejtësi ka mbajtur për 333 ditë liderin e opozitës në masën “arrest shtëpie” sepse deklaronte që është shumë i fuqishëm dhe mund të ndërhyjë në hetime. Po i njëjti sistem mban sot në masën “arrest në burg” Ilir Metën, sepse thotë se këta mund të ndërhyjnë. Po Belinda Balluku është e fuqishme që të ndërhyjë në hetime?
Po Belinda Balluku si zëvendëskryeministre ka më shumë fuqi se opozita? Mos vallë Belinda Balluku si ministre e Infrastrukturës ka më shumë fuqi si opozita? Mos vallë Belinda Balluku si ministre e Energjetikës ka më shumë fuqi se opozita?
Ka dhe një gjë tjerët, opozita sa herë është thirrur ka ardhur është përballur, kurse Ballukun e thërrasin dhe i fut një xhiro në Bullgari ose në Rumani. Pse nuk e merrni ta arrestoni? Pse nuk ka një fletë arresti për të që ka aq shumë afera, sa duhen 1 mijë seanca Parlamentare të merresh vetëm me shoqe Belën. E vërteta është që është një sistem për të garantuar aferat.
