Çfarë është autopena, roboti të cilit i referohet Trump?

Teksa Trump ka nxjerrë një memo për hetimin e disa vendimeve të Bidenit pretenduar të firmosura jo prej tij, por prej një stilografi automatik, janë të shumtë ata që pyesin se çfarë është autopena e përmendur prej presidentit amerikan. 
 
Nga sa bëjnë me dije mediat botërore, autopen, është një pajisje mekanike që përsërit me besnikëri një nënshkrim, duke e shndëruar kështu atë jo vetëm në një mjet për të bërë të vlefshëm një dokument, por edhe një mjet politik aktualisht i vënë në diskutim për origjinalitetin e vet.
Në memon e tij, nxjerrë për hetimin e disa prej dokumeteve të firmosura prej paraardhësit të tij me autopen, me dyshimin se ato mund të jenë formosur prej tjetër kujt, pa dijeninë e ish presidentit Biden, Trump e drejton gishtin drejt bashkëpunëtorëve të Bidenit, duke i akuzuar ata për fshehje të realitetit. 

«Është bërë gjithnjë e më e qartë, se bashkëpunëtorët e ish-Presidentit Biden abuzuan me fuqinë e nënshkrimeve presidenciale përmes përdorimit të një autopeni për të fshehur rënien njohëse të Bidenit», thuhet në memon e Trumpit. «Publiku amerikan u mbrojt qëllimisht nga fakti se kush mbante pushtetin ekzekutiv, ndërsa nënshkrimi i Bidenit u përdor në mijëra dokumente për të ndikuar në ndryshime rrënjësore të politikave»