Ditën e mërkurë presidenti amerikan Donald Trump ka urdhëruar përmes një memoje një hetim mbi veprimet e ish presidentit Biden dhe përdorimin e një stilografi automatik për firmosjen e dokumentave, duke e cilësuar paraardhësin e vet si të pandërgjegjshëm për veprimet që kryente.
Memoja i bën në fakt thirrje këshilltarit të presidentit, në konsultë me Prokuroren e Përgjithshme Pam Bondi dhe drejtuesë të agjencive të tjera, që të hetojnë mbi veprimet e Bidenit dhe përdorimit të stilografit automatik, për të kuptuar nëse “disa individë kanë komplotar për të mashtruar publikun sa i takon gjendjes mendore të Bidenit, e po ashtu për të zbatuar në mënyrë jokushtetuese autoritetin dhe përgjegjësistë e tij”, duke ngritur kështu edhe akuzën se ekipi i Bidenit ka kryer qëllimisht fshehjen e gjendjes shëndetësore të ish-presidentit, e duke kërkuar që cdo marrëveshje mes tyre dhe Bidenit, të cilësohen si të rreme.
Bideni nga ana e tij i ka hedhur poshtë sugjerimet e renditura në memon e Trumpit, duke thënë në një deklaratë të mërkurën në mbrëmje, ku shprehet se i ka marrë vetë vendimet gjatë presidencës së vet: “Më lejoni të jem i qartë”:”, mësohet të jetë shprehur ai. “Unë i mora vetë vendimet gjatë presidencës sime, ato në lidhje me faljet, me urdhrat ekzekutivë, me legjislacionin dhe shpalljet. Çdo sugjerim që “nuk i kam bërë unë”, është qesharak dhe i rremë”.
Ish-presidenti vazhdoi ta quante veprimin ekzekutiv të pasardhësit të tij një “shpërqendrim”, duke kritikuar në vijim projektligjin e tij për politikën e brendshme. “Ky nuk është gjë tjetër veçse një shpërqendrim që vjen prej Donald Trumpit dhe republikanëve të Kongresit, të cilët po punojnë për të nxitur ligjet katastrofike që do të shkurtonin programe thelbësore si Medicaid e rrisin kostot për familjet amerikane, me qëllim për të paguar lehtësime tatimore për korporatat ultra të pasura e të mëdha.”
Këshilltarët e Bidenit kanë mohuar çdo përpjekje të koordinuar për ta fshehur nga publiku gjendjen e tij të përkeqësuar gjatë viteve të fundit të presidencësj.
Një pjesë tjetër e memos së Trump-it kërkon posaçërisht një rishikim të “dokumenteve të politikave ku është përdorur autopeni (stilografi automatik), përfshirë grantet e faljes, Urdhrat Ekzekutiv, memot presidenciale apo vendime të tjera të politikave presidenciale
