Udhëheqësit konservator të Gjermanisë i kanë rënë papritur numrat e nevojshëm për të formuar një shumicë në parlament e për t’u bërë kancelar. Friedrich Merz-it i nevojiteshin 316 vota në Bundestagun me 630 vende, por siguroi vetëm 310 të tilla, një goditje e rëndësishme kjo për liderin kristiandemokrat, dy muaj e gjysmë pasi fitoi zgjedhjet federale të Gjermanisë.
Koalicioni i tij me qendrën e majtë ka mjaft vende në parlament, por duket se 18 deputetë që pritej ta mbështesnin, nuk kanë qenë dakord. Dështimi i Merzit në votimin e parë shihet si i paprecedentë në historinë moderne gjermane.
Tashmë Bundestagu do të ketë 14 ditë të tjera në dispozicion, për të zgjedhur ose Merzin ose një kandidat tjetër si kancelar.
