Policia Kombëtare e Filipineve arrestoi ish-presidentin Rodrigo Duterte, si pjesë e një hetimi nga Gjykata Penale Ndërkombëtare (ICC), me akuzat për krime kundër njerëzimit, për fushatën e tij kundër trafikut të drogës, që u kushtoi jetën mijëra njerëzve gjatë qëndrimit të ti,j në zyrën më të lartë institucionale në Manila.
Duterte, 79 vjeç, u arrestua në Manila. Ish-presidenti përballet me akuzën për “krim kundër njerëzimit me vrasje”, pasi promovoi një goditje gjatë së cilës grupet e të drejtave të njeriut vlerësojnë se dhjetëra mijëra burra, kryesisht të varfër, u vranë nga ushtarët, shpesh pa prova se ishin të lidhur me kartelet e drogës.
Herët në mëngjes, Interpol Manila, mori një kopje zyrtare të urdhrit të arrestit nga GJPN-ja, shprehet Pallati Presidencial në një deklaratë: “Ai ndodhet aktualisht në paraburgim. Ish-presidenti dhe grupi i tij janë në gjendje të mirë shëndetësore dhe po kontrollohen nga mjekët e qeverisë”.
Duterte u arrestua pasi zbarkoi në Aeroportin Ndërkombëtar të Manilës, duke u kthyer nga një udhëtim i shkurtër në Hong Kong.
Teksa fliste me mijëra punëtorë filipinas jashtë shtetit të dielën, ish-presidenti dënoi hetimin, duke i quajtur hetuesit e gjykatës “bij kurvash” dhe duke thënë se do të “pranonte” arrestimin nëse ky ishte fati i tij, sqarojnë mediat botërore.
