“Tradhtar!” Kështu, e cilësuan pas trajtimit që i bëri Voldymyr Zelenky në Zyrën Ovale, J.D. Vance në Vermont. Zëvendëspresidenti amerikan do tê kalonte një fundjavë duke bërë ski me gruan e tij dhe tri fëmijët e tyre, por u detyrua ta ndryshonte vendpushimin në minutën e fundit për arsye sigurie, duke pasur parasysh praninë e protestuesve që e prisnin jashtë.
Teksa autokolona e numrit dy të Donald Trump kalonte, disa njerëz thërrisnin fyerje dhe slogane, e kishte edhe nga ata që mbanin tabela ku shkruhej: “Shkoni për ski në Rusi!”. Ndërkaq, një tjetër shkruante, “Vermonti është në anën e turpshme të Ukrainës”.
Guvernatori i Vermontit, republikani Rick Scott, i cili nuk votoi për Trump në zgjedhjet e fundit, bëri thirrje për qetësi.
“Shpresoj që njerëzit e shtetit tonë të kujtojnë se zëvendëspresidenti është këtu duke udhëtuar me familjen dhe tre fëmijët e tij të vegjël dhe, edhe pse mund të mos jemi gjithmonë dakord, duhet të jemi të respektueshëm.”
Por pati edhe nga ata që sulmuan Vance në mediat sociale, duke i thënë se “kishte ikur në një vend tê paditur” pas protestës, ndërsa “Zelensky kishte qendruae në Kiev gjatë gjithë viteve të luftës”.
Protesta kundër trajtimit tronditës të presidentit ukrainas në Shtëpinë e Bardhë, u zhvilluan edhe në qytete të tjera amerikane, nga Los Angeles në Nju Jork dhe Boston.
Videot e postuara në mediat sociale, treguan qindra protestues të mbledhur në Times Square, shumë prej të cilëve mbanin flamurin blu dhe të verdhë të Ukrainës në shpinë.
