Dy zyrtarë të lartë të sigurisë në USAID (Agjencinë Amerikane për Zhvillim Ndërkombëtare) u pezulluan të shtunën mbrëma, pasi refuzuan zyrtarët e Departamentit tê Elon Musk (DOGE), të futeshin në sistemet e efikasitetit të qeverisë në agjenci.
Sipas burimeve, personeli i zyra së krijuar nga Musk, qe përpjekur të hynte me forcë në selinë e USAID-it në Uashington, DC, dhe qe ndaluar. Stafi i DOGE kishte këmbëngulur të lihej brenda, duke kërcënuat se do të thërriste policët e SHBA që t’i fusnin.
Sipas burimeve të ndryshme, personeli i DOGE donte të kishte akses në sistemet e sigurisë dhe dosjet e personelit të USAID-it. Dy nga këto burime thanë gjithashtu se personeli i DOGE dëshironte akses në informacionin e klasifikuar, të cilin vetëm ata me leje sigurie dhe nevojë specifike mund ta konsultonin.
Incidenti, i cili nuk ishte raportuar më parë, është përballja më e fundit, pasi DOGE e lidhur me Trumpin. kërkon të rrisë kontrollin mbi qeverinë federale, pasi synon të ulë shpenzimet.
“Raportimet se individë pa lejen e duhur mund të kenë akses në hapësirat e klasifikuara të USAID-it, si dhe në informacionin personal të qytetarëve amerikanë, janë tepër serioze dhe të paprecedentë,” tha të dielën senatori Jeanne Shaheen. “Ne po kërkojmë përgjigje të menjëhershme për çdo implikim në sigurinë tonë kombëtare dhe po mbledhim sa më shpejt një grup senatorësh dypartiakë, për nesër që kthehrt Senati,” vazhdoi Shaheen, një demokrat nga New Hampshire dhe anëtar i lartë i Komitetit të Marrëdhënieve me Jashtë të Senatit. .
Sot, në përgjigje të raportimit të CNN për incidentin, Musk tha se “USAID është një organizatë kriminale”
“Koha që të vdesë,” postoi ai në X. Ishte një nga shumë postimet dhe ripostimet me të cilat pronari i X që sulmoi agjencinë.
Të shtunën, faqja e internetit e USAID-it u nxi dhe një faqe e re u shfaq në faqen e Departamentit të Shtetit. Llogaria X e USAID-it gjithashtu, doli jashtë linje të shtunën.
Drejtori i Sigurisë së USAID-it, John Voorhees dhe zëvendësi i tij, janë midis dhjetëra zyrtarëve të USAID-it që ndodhen pezull mes frikës se agjencia po shpërbëhet qëllimisht – një lëvizje që disa zyrtarë të USAID-it, argumentojnë se do të kishte implikime masive negative.
Ligjvënësit demokratë kanë argumentuar, se do të ishte e paligjshme që Trump të eliminonte në mënyrë të njëanshme një agjenci federale pa u konsultuar me Kongresin.
USAID u themelua në vitin 1961 nën administrimin e Presidentit John F. Kennedy dhe është krahu humanitar i qeverisë amerikane. Ai shpërndan miliarda dollarë çdo vit në mbarë botën në një përpjekje për të zbutur varfërinë, për të trajtuar sëmundjet dhe për t’iu përgjigjur zisë së bukës dhe fatkeqësive natyrore. Ai gjithashtu promovon ndërtimin dhe zhvillimin e demokracisë.
USAID është një mjet kyç i fuqisë së butë të SHBA-së për të nxitur marrëdhëniet me komunitetet anembanë botës, thonë zyrtarët, duke vënë në dukje se siguria kombëtare e SHBA-së trajtohet me “tre shtyllat D”: mbrojtja, diplomacia dhe zhvillimi, të udhëhequra, respektivisht, nga Mbrojtja. Departamenti, Departamenti i Shtetit dhe USAID.
