Sot, e mërkurë 29 janar 2025, me Hënën e re në shenjën e Ujorit dhe Vitin e Ri Kinez, fillon viti i horoskopit hënor të Gjarprit të drurit, një vit plot kreativitet dhe mençuri. Ja cilat do të jenë efektet në të gjitha shenjat e zodiakut kinez.
Viti i Ri Kinez fillon të mërkurën më 29 janar 2025 dhe, sipas horoskopit kinez, ky viti i ri hënor, do t’i kushtohet Gjarpërit të Drurit, Yin. Themi “viti hënor” sepse astrologjia kineze bazohet në ciklet e Hënës, të cilat priren të jenë 13 për çdo vit. Çdo vit, Viti i Ri lidhet me Hënën e re në shenjën e Ujorit. Duke qenë se ky vit i Gjarprit të Drurit do të zgjasë nga 29 janari 2025 deri më 16 shkurt 2026, do të thotë se do ta presë festivalin e Pranverës dy herë, në 2025-n dhe 2026, prandaj do të jetë një vit me fat, veçanërisht për fillestarët.
Shenja e Gjarprit është e lidhur, për shkak të karakteristikave, me shenjën e Demit, pavarësisht se shumë thonë se është një përzierje e përsosur e Demit dhe e Akrepit. Karakteristikat kryesore të shenjës së Gjarpërit janë mençuria, aftësia për transformim, strategjia politike, eleganca, bukuria, dashuria për familjen dhe sensi i madh estetik.
Viti i Gjarprit premton të jetë një vit i pasur ekonomikisht, me aktivitete të forta politike dhe debate të rëndësishme intelektuale. Elementi “Dru”, veçanërisht në polaritetin e tij Jin, ka të bëjë me zhvillimin, zhvillimin ekonomik, krijimin e situatave të stabilitetit familjar dhe grumbullimin e njohurive e të informacionit. Bashkëpunimi dhe kreativiteti janë dy elementët më të rëndësishëm të këtij “boshti”. Për shkak të natyrës simbolike, ne padyshim nuk mund të harrojmë se gjarpëri është një kafshë që përfaqëson shndërrimin, duke e kthyer këtë në simbol të rritjes dhe revolucionit të madh në të gjitha kuptimet.
Kush janë të lindurit në vitin e Gjarprit të Drurit / Njerëzit e lindur në vitin e Gjarprit të Drurit, janë veçanërisht të vëmendshëm ndaj estetikës dhe ndërtojnë marrëdhënie solide me ide dhe mendimesh të rëndësishme. Këta njerëz shpesh arrijnë pjekurinë dhe përmbushjen e tyre personale maksimale, sepse Jupiteri, sundimtari i elementit të Drurit, u lejon atyre të grumbullojnë përvoja me mençuri.
Parashikimi për të gjitha shenjat e horoskopit kinez
Miu (lindur në vitet 1948 – 1960 – 1972 – 1984 – 1996 – 2008 – 2020)/ Në vitin e Gjarprit të drurit, Minjtë do të gëzojnë një aftësi më të madhe për të jetuar intuitat e tyre dhe marrë vendime shpejt e pa frikë. Mençuria e Gjarprit do t’i ndihmojë ata të mos e teprojnë me impulsivitetin.
Kau (lindur në vitet 1949 – 1961 – 1973 – 1985 – 1997 – 2009 – 2021)/Pragmatistët dhe ndërtuesit e lindur nën shenjën e Kaut, do të jenë të lumtur këtë vit se do të jenë në gjendje të ndërtojnë, të hedhin themele dhe të fillojnë aktivitete të reja. Kau dhe gjarpri shkojnë shumë mirë. Për fat të mirë, elementi i drurit me afinitetin e tij të madh për të mirat fizike dhe materiale, e qetëson shumë Kaun.
Tigri (lindur në vitet 1950 – 1962 – 1974 – 1986 – 1998 – 2010 – 2022)/ Edhe pse Tigri është një nga shenjat e zodiakut që për nga natyra nuk shkon mirë me Gjarpërin, veçanërisht se rebelimi i tij është shumë më i zhurmshëm se spërdredhja misterioze dhe e fshehur i Gjarprit, elementi i drurit i brendshëm i Tigrit, do të shkojë mirë me elementin Dru të vitit 2025. Në të dyja rastet, inkurajohet aspekti krijues.
Lepuri (lindur në vitet 1951 – 1963 – 1975 – 1987 – 1999 – 2011 – 2023) / Lepuri është pjesë e shenjave të zodiakut që kanë Drurin si element të brendshëm në karakteristikat e tyre. Prandaj, në një vit prej Druri, Lepuri mund t’i përkushtohet me vëmendje dhe dashuri tërë aktiviteteve krijuese që i do aq shumë, dhe të shohë të përforcuar mirëkuptimin dhe fleksibilitetin e vet bamirës. Është një vit me ëmbëlsi të madhe.
Dragoi (Lindur në vitet 1952 – 1964 – 1976 – 1988 – 2000 – 2012 – 2024)
Dragoi, si gjarpri, është një kafshë që tregon transformimin dhe jetën. Megjithatë, forca e tij Jang do të jetë e kufizuar në këtë vit: nevojiten konkretizim dhe efektivitet i madh, për të mbështetur të gjitha projektet e mëdha që nisën në 2024. Mendimet duhet të gjejnë realizimin e tyre konkret.
Gjarpëri (lindur në vitet 1953 – 1965 – 1977 – 1989 – 2001 – 2013 – 2025)/ Sa herë që përsërisni shenjën tuaj zodiakale, e gjeni veten përballë një momenti të veçantë mbikëqyrjeje të brendshme dhe vlerësimi personal. Për fat të mirë, të lindurit nën shenjën e Gjarprit, janë shumë të mirë për ta parë veten thellë dhe janë gati ta përqafojnë transformimin çdo herë. Në fund, viti i Gjarprit të Drurit do të jetë veçanërisht i dobishëm për rritjen personale.
Kali (lindur në vitet 1954 – 1966 – 1978 – 1990 – 2002 – 2014)/ Njerëzit krijues të lindur nën shenjën e Kalit, do të jenë në gjendje të përfitojnë nga energjitë intelektuale e të gjalla të elementit të Gjarprit e të Drurit, për t’i dhënë një përmasë edhe më të rëndësishme dëshirës së tyre për t’u shprehur. Nuk do të jetë aq një realizim ekonomik, sa një nxitje e madhe për të menduarin.
Dhia (lindur në vitet 1955 – 1967 – 1979 – 1991 – 2003 – 2015)/ Ajo që e bashkon Gjarpërin me Dhinë, është një ndjenjë e rëndësishme familjare, e feminilitetit mikpritës, e cila nga njëra anë (te Gjarpri) është e fshehtë dhe misterioze, kurse nga ana tjetër (te Dhia), është emocionale dhe e ndjeshme. Kështu, Dhia do të ketë mundësinë të përforcojë të gjitha aspektet femërore të karakterit të saj, duke filluar nga dashamirësia për veten e të tjerët, e deri tek projektet e rëndësishme të rritjes dhe ndërtimit.
Majmuni (lindur në vitet 1956 – 1968 – 1980 – 1992 – 2004 – 2016)/ Gjallëria e të lindurve nën shenjën e Majmunit, do duhet të tregojë njëfarë përmbajtje në vitin e Gjarprit të Drurit: ky është një vit që kërkon mençuri dhe strukturim të madh emocional dhe intelektual, ndërkohë Majmuni, nga natyra, përdor mprehtësinë dhe intuitën.
Gjeli (lindur në vitet 1957 – 1969 – 1981 – 1993 – 2005 – 2017)/ Në vitin e Gjarprit, të gjithë personat që kanë Gjelin si shenjë të zodiakut, do të kenë fat të shkëlqyeshëm, sepse edhe Gjeli ka një mençuri të madhe brenda tij.
Qeni (Lindur në vitet 1958 – 1970 – 1982 – 1994 – 2006 – 2018)/ Në vitin e Gjarprit, të gjithë ata që kanë shenjën e zodiakut të Qenit, do të vënë në pikëpyetje atë pjesë të personalitetit të tyre që tradicionalisht ka dashur që ata të jenë të ngulitur dhe pa asnjë cen. Gjëja më e mirë, megjithatë, është se kjo përpjekje për ndryshim, nuk do të jetë aspak tronditës, por i butë dhe i këndshëm.
Derri (lindur në vitet 1959 – 1971 – 1983 – 1995 – 2007 – 2019)
Nga të gjitha shenjat e zodiakut të horoskopit kinez, Derri do të ndihet më pak i përfaqësuar këtë vit. Dëshira e tij për të shijuar lehtë jetën, duket se bie ndesh me mençurinë për të ndërtuar dhe strategjike të Gjarprit, i cili është gati të transformohet dhe, për këtë arsye, të evolojë dhe të mos mbetet në rutinën e jetës së përditshme.
