Që në ditët e para, shtatori do të nxjerrë si çështje të pashmangshme, çështje të profesionit. Kjo do të zgjasë deri nga data 5 shtator, më saktë datën 6 stabilizohet, për hir se në datën 5 Marsi kalon tek Gaforrja.
E dyta, kemi gjigandët e qiellit që janë tranzitorë, gjë që mund të bëjë që të kemi ndryshime në çështje profesionale të momentit të fundit, por që vijnë shumë për mirë. Pra, pavarësisht çorientimit të axhendës në ditët e para të këtij muaji, do të kemi rregullime në vazhdim. Në fakt ndryshimin e parë e kemi me kalimin e Marsit tek Gaforrja në datën 5, i cili cakton vendosje të prioriteteve në axhendën e gjithsecilit. Çështjet kryesore me të cilat do të merremi janë çështjet e familjes e fëmijëve. Çështja e dytë po kaq e rëndësishme, ka të bëjë me çështje të sistemit imunitar dhe shëndetit në përgjithësi, të cilat edhe nëse nuk i kemi në mendje, dashur pa dashur, nga informacioni që do të na vijë, do të na imponohet kujdesi për shëndetin imunitar. Në fakt, shëndeti do të jetë tematikë e shtatorit dhe do të vazhdojë edhe në tetor, deri në 2 nëntor.
Kemi Plutonin tek Bricjapët, i cili do të qëndrojë aty deri rreth datës 20- 20 e ca nëntor, i cili do të bëjë që çështjet e pambyllura nga gushti, të mbyllen për të mos u hapur më. Pra, të mbyllen një herë e mirë, pa barra që na mbajnë pas. Kthimi i këtij Plutoni tek Bricjapi vjen për të mbyllur çfarë nuk është mbyllur, për të dhënë zgjidhje përfundimtare aty ku nuk ka pasur apo ka pasur zgjidhje momentale. Do detyrohemi t’i kthehemi, t’i mbyllim, t’i sofistikojmë dhe të evolojmë pa valixhe e që na pengojnë.
Kemi edhe një Hënë të re, e cila tek Virgjëresha do të jetë ballë përballë me Saturinin. Lëvizjet e mirëmenduara, të planifikuara apo që janë në axhendën e gjithsecilit, për më gjatë se gushti, do të kenë një formë shumë të mirë, shumë të shtruar, që do t’i regjistrojnë kohës. Nuk është e thjeshtë për të bërë fillime momentale, se nuk do të kemi përqendrimin e duhur.
Gjithashtu kemi edhe një Hënë të plotë, goxha të zhurmshme, e cila do të jetë në datën 18 shtator tek Peshqit, me një minieklips, që është edhe eklipsi i parë i vjeshtës, me Neptunin që do të bëjë që informacionet që dëgjojmë, të mos ua vëmë veshin, kështu që përpara se ato të na shqetësojnë, do të duhet të imponojmë filtrat. Ose të mos merremi, se pas datës 23 shtator do merret vesh më mirë.
Çështjet ndërkombëtare do të jenë të pranishme, do të vazhdojnë të fuqizohen deri nga shkurti, por do të jetë si një proces. Si një proces ku çdo muaj, do të marrim një ide më të qartë se cfarë zhvillimesh do të kemi në planet ndërkombëtare politike dhe të kufijve.
Pra është një muaj që ka paqartësi në periudhën e parë, ka zhvillime shumë të mira nga data 9 deri në 15 shtator, ka një lloj corientimi rreth datës 20-22, dhe ka zhvillime fantastike në fund.
Nuk duhet harruar që Venusi do të jetë tek Peshorja, gjë që bën të mundur, që, çfarë është e rëndësishme në raport me marrëdhëniet njerëzore, edhe shëndetin, të ketë gjithsecili mundësinë të ruajë ekuilibrin, edhe pse gjatë shtatorit, marrëdhëniet njerëzorr do të kenë një rol të rëndësishëm.
