Teksa ka votuar ditën e sotme, kreu i PD-së Berisha është shprehur edhe mbi problematikat që janë shfaqur orët e para të mëngjesit në qendrat e votimeve.
I pyetur për mosfunskionimin e pajisjeve të identifikimit PEI, Berisha u shpreh se gjasat janë që në të kenë futur duart hakerat qeveritarë, teksa nuk ngurroi të denonconte edhe njerëz që kanë ushtruar presion nëpër qendra të ndryshme votimi.
“Ka disa problematika të cilat duhen të shqyrtohen”, tha Bersha. “Pajisjet kanë pasur në një përqindje jo të vogël mosfunksionim. Do të dëgjoni në darkë që do thonë na ndërhynë hakerat iranianë, por në fakt janë hakerat qevertitarë që ndërhyjnë. Kjo është e para. E dyta, ka disa qendra, si për shembull në Durrës, famoz si peshkaqeni famoz Rron Shqopa, dhe disa drejtorë e përgjegjësa të njësisë administrative, që kanë preferuar ose kanë dashur të bëjnë xhandarin në qendrat e votimit, por janë përzënë sic e meritojnë. Dhe noviteti tjetër është se nëse i bini numrit të policisë, ai nuk përgjigjet më. Ka marrë pushim sot policia”, u shpreh Berisha, i cili i cilësoi votimet e sotme si ato që do të ‘arkivojnë përfundimisht monizmin e shëmtuar në Shqipëri’, për të sjellë ‘pranverën e ndryshimit’.
