Ka reaguar prej deputetëve të përjashtuar nga Alibeaj, një prej politikanëve më të vjetër në PD, deputeti Tritan Shehu, i cili përmes një statusi në fejsbukun e tij, ka bërë thirrje të shpëtohet Alibeaj, i cili në gjykimin e Tritan Shehut, vuan nga deliret mendore. “Mos e denigroni”, sugjeron Shehu më tej të statusin e tij. “Vetëm çojeni me butësi aty ku shërohen këta të ‘sëmurë” dhe “mos i qëndroni shume afër, se ndoshta këto ‘sëmundje’ mund të jene edhe ngjtëse neë disa raste”
Statusi i plotë i Tritan Shehut
Ai është rënduar shumë, në mënyre galopante!
Ndoshta i ka bërë keq edhe Viti i Ri, gjeli, a diçka tjetër…
Deliret e tij mendore, perceptimet e tij të deformuara, po e çojnë shumë larg në “sëmundjen” e tij.
Ndoshta i duket vetja si Kim Jong-Un a dikush tjeter i ngjashëm.
Apo si gjeli mbi kotec, që tremb pulat përreth…
Kjo e fundit me duket më reale, më e vërtetë!
Por, pavarësisht nga “figura” që imagjinon për vehten e tij, ai ka perceptime të deformuara, iluzione, delire. Që e çojne pastaj në këtë shkallë keqesimi të “shëndetit mendor”!
Ështe rënduar fort i shkreti kohët e fundit, duke tejkaluar në thellësi e ritëm shumë edhe nga parashikimet që kisha për ecurinë e tij shëndetësore!
Derisa arrin të firmosë të tilla paçavurre….si simptomë e “sëmundjes” së rëndë të tij!
Dhe këtë e bën atëherë kur të gjithë po punojnë, përpiqen për tejkalimin e ndarjeve.
Ndarje të cilat ai vetë i ka “zyrtarizuar” me atë copë letër, që firmosi për herë të parë si “kryetar” i grupit, i caktuar nga….
Sidoqoftë, një këshillë për koleget e tjerë opozitarë:
Megjithatë, mos e denigroni atë, mos e agresoni, se sëmundja kështu vetëm rëndohet, por:
1-Çojeni me “butësi” aty ku mjekohen këta të “sëmurë”.
2-Vetëm me kujdes, mos i qëndroni shume afër, se ndoshta këto “sëmundje” mund të jene edhe ngjtëse neë disa raste.
Sa për të tjerat, vetëm mund të qeshësh me një karikaturë të tillë.
