Instituti i Gjeoshkencave ka publikuar pak më parë situatën e rreshjeve në vendin tonë dhe rrezikun e mundshëm për përmbytje. Nga të dhënat e paraqitura prej këtij institucioni, pavarësisht se si rezultat i rreshjeve në qarqet Shkodër, Lezhë, Kukës, Dibër, Durrës, Tiranë, Elbasan, Vlorë dhe Gjirokastër pritet të ketë vërshime të lumenjëve të vegjël malorë dhe rrëshkitje të dherave, sërish asnjë prej qyteteve shqiptare nuk rrezikon ditën e sotme përmbytje, dhe statusi i tyre, sipas klasifikimit të IGJEO-s është “s’ka rrezik”.
Sa më poshtë statusi i plotë i IGJEO-s
Sipas llogaritjeve të IGJEO, ditën e sotme (e shtunë dt.17) në qarqet Shkodër, Lezhë, Kukës, Dibër, Durrës, Tiranë, Elbasan, Vlorë dhe Gjirokastër si rezultat i reshjeve intensive pritet të ketë vërshime të shpejta të lumenjve të vegjël malorë dhe rrëshqitje të dherave. Në zonat urbane, në po këto qarqe mund të shfaqen probleme me përmbytje të lokalizuara, në varësi të gjëndjes së kanalizimeve. Nesër (e diel dt.18) si rezultat i rënies së intensitetit të reshjeve pritet qetësimi i situatës. Në lumenjtë Drin-Buna, Liqenin e Shkodrës, Drini i Lezhës dhe Mat pritet një rritje e prurjeve.
RESHJET
Sot pasdite (e shtunë dt.17) priten reshje mesatare deri lokalisht intensive në qarqet Shkodër, Lezhë dhe Vlorë. Në qarqet e tjera priten reshje të dobëta deri lokalisht mesatare në qarqet Kukës, Dibër, Durrës, Tiranë, Elbasan dhe Gjirokastër. Reshjet pritet të shoqërohen dhe me shtrëngata në shumicën e qarqeve. Nesër (e diel dt.18) priten reshje të dobëta në të gjitha qarqet (siç tregohet në tabelë, respektivisht për secilin qark).
TEMPERATURAT
Nesër (e diel dt.18) temperaturat minimale dhe maksimale të ajrit pritet të arrijnë:
në bregdet: 19 / 23 °C
në vendet e ulëta: 17 / 25 °C
në vendet malore: 13 / 21 °C
ERA
Sot pasdite (e shtunë dt.17) dhe nesër (e diel dt.18) era pritet të jetë e lehtë deri mesatare.
ZJARRET NË PYJE
Sot pasdite (e shtunë dt.17) pritet niveli “I ULËT” në qarqet Fier, Korçë dhe Vlorë. Nesër (e diel dt.18) pritet niveli “S’KA RREZIK” pothuajse në të gjithë qarqet (siç tregohet në tabelë, respektivisht për secilin qark).
