Përgjatë konferencës me gazetarët së bashku me kryeministrin e Luksemburgut Xavier Bettel, kreu i qeverisë Rama ka komentuar edhe çështjen e spiunazhit në ish uzinën e armëve në Gramsh, ku tri persona, dy rusë dhe një ukrainas, u kapën duke fotografuar pamjet përreth.
Në fjalën e tij, Rama e cilësoi qesharake tërë përpjekjen për ta quajtur praninë e tyre në atë fabrikë një mision spiunazhi, dhe theksoi se e rëndësishme është të kuptohet se cili ishte qëllimi i vërtetë i kësaj mjegulle që u ngrit mbi këta tre të huaj, e po ashtu edhe mbi qëllimin e vërtetë të shkuarjes së tyre pranë asaj fabrike.
Mjegulla e ngritur mbi të ashutquajturat objekte të rëndësisë së veçantë, tha Rama, ishte për të qarë e për të qeshur. Ato nuk ishin objekte të rëndësisë së vecantë. Ato nuk janë as fabrika që prodhojnë armë. Ato janë karakatina të deklasifikuara si objekte me një rëndësis të veantë në vitin 2012 dhe faktikisht dhe faktikisht kanë statusin e shpkve që janë absolutisht të falimentuara dhe që janë deri në pikën që për shkak se nuk kanë mundësi të paguajnë dritat, u priten dhe dritat. Dhe kanë disa roje aty, që janë për të mbrojtur atë perimetër nga zaptimet etj. Tani të thuash që po bëj spiunazh duke fotografuar ato mbetje arkeologjike të komunizmit, është shumë qesharake. Ndërkohë që ajo që duhej t’ju shqetësonte, dhe që na shqetëson ne është që këta persona, cfarë qëllimesh kanë në të vërtetë në të vërtetë në vendin tonë. Se, të më falni, një mission spiunazhi që shfaqet me një veturë sportive, e cila duket sikur thërret aman hajdeni e më shifni e më kapni se jam e veantë, duket disi si qesharake. Kështu që i takon hetimit të sqarojë më shumë. Shqetësimi ynë është ku është shqetësimi i vërtetë, përve krijimit të kësaj mjegulle, e cila në fund të ditës i shërbeu një sëkëlldie, s’po them panik, se njerëzit e zakonshëm bënë shumë gallatë me këto lloj kronikash e reportazhesh fantazmagorike, për rrëzimin e ngrehinës së sigurisë kombëtare, ndërkohë që duhet të shofim nga hetimi, se ku është qellimi. Nuk ka lidhje kjo me objektet. Në kohën kur flitet për luftë yjesh e flitet për sofistikime ekstreme për predha e raketa supersonike, që nisen nga njëra anë e botës e përfundojnë në tjetrën, të flasësh për cënim të sigurisë kombëtare, se u shfaqën disa personazhe të dyshimtë, me aparat për të fotografuar mbetjet ushtarake të komunizmit, është qesharake, përfundon Rama mendimin e tij.
Kujtojmë që teksa nisi hetimi i ngjarjes, Ministri i Mbrojtjes Niko Peleshi, e cilësonte uzinën e Gramshit si një objekt strategjik dhe duke falënderuar publikisht edhe dy ushtarët që e kishin mbrojtur atë, e jo si “karakatina, të deklasifikuara që në 2012”, siç u shpreh Rama në fjalën e tij.
