Pas njohjes së Enkelejd Alibeajt si të vetmin kryetar të PD-së nga ambasadorja amerikane Yuri Kim, ka reaguar me një deklaratë edhe grupimi i Berishës.
Në këtë deklaratë theksohet se me refuzimin e vendimit të gjykatës që konfirmoi vendimin e demokratëve në Kuvendin e 11 dhjetorit, duke i kthyer selinë, logon dhe vulën Komisionit të Rithemelimit, Yuri Kim nuk bëri gjë tjetër përveçëse atë që ka bërë herët e tjera, pra shkeljen e Konventës së VIenës si diplomate, duke vërtetuar edhe një herë, se është në shërbim të Ramës dhe lojërave të tij, për ta mbajtur sa më gjatë PD-në në opozitë.
Sa më poshtë deklaratë e plotë publikuar nga grupimi i Rithemelimit të PD, të cilët aktualisht e cilësojnë veten si e vetmja Parti Demokratike në vend.
Pas një heshtje të zgjatur e të kuptueshme nga zgjedhjet e 6 Marsit, ambasadorja Yuri Kim injoroi themelin e demokracisë së shtetit të saj “Ëe, the People”. Yuri Kim hyri sot në Kuvendin e Shqipërisë për një takim me kreun e grupit parlamentar të PD Enkelejd Alibeaj, por kur doli, me anë të një deklarate e shpalli atë në mënyrë qesharake dhe absurde si kryetar të Partisë Demokratike. Yuri Kim sot, sikurse dhe herë të tjera, nuk bëri asgjë më pak përveçëse shkeli në mënyrë të përsëritur Konventën e Vienës si diplomate, duke shkelmuar mbi vendimin e gjykatës që konfirmoi verdiktin e demokratëve në Kuvendin e 11 dhjetorit, që i riktheu selinë, logon dhe vulën Komisionit të Rithemelimit- organit kolegjal të vetëm udhëheqës aktual të Partisë Demokratike. Ajo gjithashtu, injoroi edhe votën e zgjedhësve të shprehur qartë më 6 mars. Yuri Kim vërtetoi sot atë që e ka parathënë edhe me veprime të tjera se është në shërbim të lojrave të Edi Ramës për të dobësuar dhe për të mbajtur sa më gjatë peng opozitën, duke komanduar për kryetar ata që u refuzuan me votë masive nga demokratët.Per fat te mirë, shqiptaret e kanë kuptuar se vlerat e verteta të SHBA nuk janë arroganca, diversioni apo diktati, por vota e lirë dhe demokracia. Këtë e kuptoi edhe ish kryetari që u largua dhe do ta kuptojë cilido që mendon të uzurpojë opozitën kundër vullnetit të shumicës.
