Akademiku Artan Fuga, ka kërkuar publikisht mbajtjen e një kongresi mbi arsimin, sepse strategjitë e arsimit për shkollën e mesme deri në 2030-n, janë në gjykimin e tij shumë problematike.
Në statusin e tij në fejsbuk, Fuga mbështet idenë se këto strategji “vrasin perspektivat e rinisë e të kombit”, duke i cilësuar si goditje të mirëfillta që i jepen rinisë dhe të ardhmes së tyre.
Statusi i plotë i Artan Fugës
Duke lexuar këtë raport të OCDE për gjendjen dhe strategjitë e arsimit në shkollën e mesme deri ne vitin 2030, më dridhet mishi kur shoh se të gjitha sëmundjet e rënda që raporti paraaqet janë ulur këmbëkryq në shkollën tonë parauniversitare, se çfarë goditje i japim jetës së rinisë me këtë arsimim që në çdo sekondë që kalon “vret” perspektivat e rinisë dhe të kombit në shekullin e XXI, bërtas duke trokitur në porta që nuk dëgjojnë : A ka njeri këtuuuuuuuu?
Eshtë urgjente një kongres arsimi sepse po bëhemi gjithnjë e më tepër budallenj! Unë jam gati ta vërtetoj këtë në çdo mbledhje, sallë gjyqi, madje edhe në Bordin që përcakton çmimin e fitimit për një litër karburant!
Prindër, zgjohuni!
