Akademiku Artan Fuga, përmes një statusi botuar në faqen e tij zyrtare në fejsbuk, ka ftuar liderin e opozitës Basha, të japë dorëheqjen, për shkak se qëndrimi ende në krye të PD-së, dëmton më tepwr atë në rrafsh personal. Duhet guxim për të dhënë dorëheqjen, thotë Fuga në statusin e tij, dhe tani është koha për ta kryer këtë akt, e jo për të reflektuar mbi të.
Statusi i plotë i Fugës:
Duhet guxim të fitosh në zgjedhjet elektorale, por ja që duhet guxim edhe të japësh dorëheqjen! Se nuk dihet se çfarë të vjen pas! Në politikë mund të futesh pa guxim, me ambicje, kurse për të dalë duhet guxim! Nuk kam thënë kot dhe përsëris që akti më i madh se shpallja e pavarësisë, te Ismail beu ka qenë dorëheqja e tij! Dorëheqja është më sublime sesa emërimi! Eshtë si elektroni që për t’u shkëputur ka nevojë për energji. Jepe dorëheqjen z. Lulzim Basha, çdo sekondë që qendron më tej është dëm personal! Servilat të shtynë edhe më thellë atje ku ishte dështimi i sigurt që nuk dite ta kuptoje ose nuk ishe i lirë ta kuptoje dhe tani t’i hedhin të gjithë gurët mbi kurriz! Është koha për të mos reflektuar më!
