Kreu i qeverisë Edi Rama ka vendosur sërish karriget në trotuarin përpara kryeministrisë, duke i ftuar sërish protestuesit për dialog. Në deklaratën e tij para kamerave, Rama theksoi se mund të ketë shumë arsye për të protestuar, shumë gjëra për të përmirësuar, por dhuna nuk është është zgjidhja.
Ka një mijë e një pakënaqësi, një mijë e një halle e probleme, por asnjë arsye nuk e justifikon dhunën. Cdo arsye është një argument më shumë për dialogun, mes njerëzish që ndajnë të njëjtin atdhe, që duan të njëjtën gjë në fund të fundit, si ta bëjnë shqipërinë më të mirë. E drejta e protestës është e pamohueshme, dhuna është krim i ndëshkueshëm. Dora ime është e shtrirë për ata që mendojnë ndryshme nga unë. Distancohuni nga dhuna, cdo dhunues do të marrë përgjigje. Përgjigjja do të jetë ligjore, përgjigjja do të jetë financiare. Kush dëmton pasurinë e tjetrit do të paguajë”, ka thënë mes të tjerave kreu i qeverisë.
