Komisioni i Ankimimeve dhe Sanksioneve pranë KQZ-së, ka shqyrtuar sot ankesat e subjekteve zgjedhore ardhur pas daljes së rezultatit të zgjedhjeve të 25 prillit.
Në njoftimin e bërë për shtyp, KAS-i shprehet se ka vendosur vendosi të kthejë për plotësim dy ankesa, ato me numër 32 dhe 50, të cilat kishin në fokus rezultatin në Qarkun e Vlorës, si dhe “Shpalljen të pavlefshme të zgjedhjeve në Tiranë”.
Ndërkaq, Komisioni i Ankimimeve, nuk nuk pranoi të shqyrtonte dy kërkesa ankimore, atë me numër 45 dhe atë me numër 47, të cilat lidheshin respektivisht me njohjen e vendimit nga ana e KQZ, të votimit të qytetarëve jashtë shtetit, e po ashtu edhe me rinumërimin e votave të kandidatëve për qarkun e Tiranës.
Deri më tani KAS ka kaluar për shqyrtim 18 kërkesa ankimore, të cilat do t’i shqyrtojë në datën 12, nisur që prej orës 9.30 të mëngjesit.