Andrea Robin Skinner, vajza e vogël e nobelistes kanadeze të njohur Alice Munro (e cila vdiq majin e kaluar në moshën 92-vjeçare), tha se njerku i saj e kishte dhunuar seksualisht kur ajo ishte fëmijë dhe se e ëma pati ndenjur me të edhe pasi kishte mësuar për abuzimin.
Në një artikull autobiografik, nënshkruar nga Skinner dhe botuar më 7 korrik në “Toronto Star”, vajza tashmë 57-vjeçare e fitueses së çmimit Nobel për letërsinë, shkruan si më poshtë: “Në vitin 1976 shkova për të vizituar nënën time, Alice Munro, në shtëpinë e saj në Clinton, Ontario. Një natë, ndërsa ajo ishte larg, burri i saj, njerku im, Gerald Fremlin, hipi në shtratin ku isha duke fjetur dhe më dhunoi seksualisht. Unë isha nëntë vjeç. Isha një fëmijë i lumtur, aktiv dhe kurioz (…) Të nesërmen në mëngjes nuk ngrihesha dot nga shtrati. U zgjova me migrenën time të parë, e cila me kalimin e viteve u bë një gjendje kronike”.
Sipas vajzës së saj, e ëma Alice Munro, mësoi për abuzimin vite më vonë, por kishte vazhduar të qëndronte në krah të njerkut deri kur ai ishte ndarë nga jeta, më 2013-n. “Nuk kam mundur të lexoj më asnjë intervistë, biografi apo ngjarje tjetër, që të mos e përballja me realitetin e asaj që kishte ndodhur, dhe për faktin që nëna ime, pasi e kishte marrë vesh të vërtetën, kishte zgjedhur të qëndronte me dhunuesin tim dhe ta mbronte atë,” rrëfen Skinner.
Skiner i tregoi saj kohe të ëmës për abuzimin e vuajtur, e cila, nga ana e saj ia kishte rrëfyer të babait të së së bijës Jim Munro-së, që kishte vendosur të mos përballej me shkrimtaren atë moment. Por problemi ishte se në vitet në vijim, gjatë vizitave të vajzës tek e ëma, abuzimi kishte vazhduar. Fremlini i shfaqej asaj gjatë udhëtimeve me makinë, i bënte propozime seksuale dhe i tregonte për vajzat e lagjes që i pëlqenin.
Ai humbi interesin për të kur ajo u bë adoleshente.
Në vitin 1992, si studente universiteti, vajza zbuloi abuzimin që kishte pësuar në një letër drejtuar nënës së saj, por përgjigja e Munro kishte qenë e ngjashme me atë të kur mësohej “për një pabesi”.
Ndërkohë, Fremlini i kishte shkruar letra familjes ku e pranonte abuzimin, por fajësonte mis Skinnerin me fjali të tilla si: “Andrea më pushtoi dhomën e gjumit për një aventurë seksuale” ose se mund të bënte publike në çdo moment, Andrean veshur të brendshmet e tij, në kabinën e tij në Otava.
Në vitin 2005, znj. Skinner raportoi zyrtarisht abuzimin në policinë e Ontarios, duke depozituar letra të shkruara nga Fremlin.
Policia e ka akuzoi burrin për sulm seksual. Ai u deklarua fajtor, por “heshtja vazhdoi”, shkruan Skinner, për shkak të famës së Munro-së.