Është ndarë nga jeta ditën e sotme ish-deputeti i Partisë Socialiste, zoti Marko Bello. Të shumë kanë qenë ata që kanë shprehur dhimbjen e tyre, por vëmendjen më të madhe e ka marrë statusi i një tjetër ish-deputeti të PS, zoti Arben Malajt.
Në statusin e shkruar në faqen e tij në fejsbuk, zoti Malaj shkruan:
Boll me hiporizinë tuaj ndaj kolegut dhe mikut Marko Bello! Lëreni të prehet i qetë! Ështq shumë e vërtetë që Marko ishte nje deputet, diplomat, ministër dhe profesor me vlera dhe kontribute të veçanta, Por pasi e shpallet “Armik të Partisë”, asnjë mundësi nuk i dhatë që t’i shërbente vendit të tij me dinjitet, integritet dhe profesionalizëm.
Kështu jeni sjellë me shumë shqiptarë të mirë, thjesht dhe vetëm se i konsideroni armik të partisë.
Pas nenit famkeq 24/1 në ’92-shin. që largoi nga sherbimi publik disa mijëra shqiptarë të ditur dhe me integritet, periudha juaj e “Rilindasve të babëzitur” do të jetë periudha me e zezë në shkatërrimin e institucioneve të shtetit dhe në largimin nga politika e administrata publike. të kujdo që ju pengon të vidhni deri në pangopësi.
Para 30 diteve pushuat nga puna deputetin dhe ish-gazetarin luftarak e partriot të qarkut të Vlorës, Adrian Myslymaj, thjeshtë për një sms që i nisi Taulant Ballës.
U angazhua drejtpërdrejtë kryerilindasi Rama dhe e kërcënoi me pushim nga puna.
Minstria e Financave, Denaj brenda 48 orëve dhe jashtë çdo procedure ligjore, e pushoj nga puna.
Heshti Gramozi, mentori dhe promovuesi i tij politik.
Heshti bashkëluftetari e bashkëgazetari Braçe.
Heshti Pandi dhe të gjithë të tjerët.
Ju nuk e kuptoni se sa shumë, pushteti absolut ju ka korruptuar, ose ndoshta babëzia ka qenë motivi i vetëm në jetë.
Ju përligjni çdo vjedhje dhe abuzim, sepse çdo njeri që ju denoncon, i suleni me gjithë arsenalin shpifës, për ta vrarë, jo vetëm shpirtërisht.
Boll me pangopësinë tuaj!
Boll me hiporizinë tuaj!
Boll me vuajtet e pa fund, që me arrogancën dhe babëzine tuaj, po u kushtoni shqiptarëve të varfër.
Për kategorinë arrogantëve dhe të babëziturve, populli ka një mallkim nga shpirti: Kurrë mos u ngopshi”!
Arbeni
\n\n