Drejtuesja e Agjencisë Europiane të Barnave Emer Cooke, ka deklaruar sot se ka qenë dhe mbetet e bindur që AstraZeneca nuk ka aspak lidhje me mpiksjet e gjakut. Ajo u shpreh me bindje, se benefitet e vaksinës i kapërcejnë rreziqet e përfolura.
Cooke pohon se numri i koagulimit të gjakut raportuar në personat e vaksinuar, nuk e kapërcen atë që raportohet normalisht në Evropë.
E dimë që mijëra njerëz vuajnë në Europë nga mpiksja e gjakut, ndaj duam të qartësojmë nëse këto episode janë shkaktuar nga vaksina apo nga shkaqe të tjera, u shpreh Emer.
E teksa hetimi është duke u kryer, ne jemi të bindur që benefitet e AstraZeneca-s në parandalimin e COVID-19, sa i takon shtrimit nëpër spitale apo numrit të vdekjeve, i kapërcejnë rreziqet e përfolura.
Përgjigjet e hetimit nga Agjencia Europiane e Barnave, pritet të dalin ditën e enjte.