“Ajo fluturon për në Nju Jork, kurse ai bën bebisiterin”, qe kreu i një artikulli referuar influencueses italiane Chiara Ferragni, teksa i referohej shkuarjes së saj në Nju Jork për një sfilatë mode.
Kaq ka mjaftuar, që stilistja e njohur italiane të shpërthejë në instagramin e saj, duke ngritur në fakt një sërë pyetjesh më mjaft vlerë në shoqërinë e sotme, e sidomos për çiftet që kanë fëmijë të vegjël dhe duhet të punojnë të dy.
Përse duhet cilësuar si neglizhente një mama që punon? Një mama që ndihet mirë me trupin e saj, pse duhet të ndihet në faj? Një mama që nuk harron të jetë grua, femër, bijë, mikeshë, pse duhet diskriminuar? Si nënë, biznesmene dhe grua, kam pasur kohë t’i kushtoj familjes sime shumë më tepër kohë, sesa mund t’u kushtojnë gratë që punojnë nën një shef, por nuk është gjithësesi mjaftueshëm për një lloj gazetarie maskilise dhe toksike.
Neve grave na duhet ende të bëjmë dyfishin, për t’u vlerësuar sa gjysma e burrave. Po ua them ju dhe vetes: Nuk kemi për të hequr dorë nga kërkesa për t’u konsideruar të barabarta me burrat! shkruan ajo mes të tjerave, duke mos harruar të theksojë se një partner që kujdeset për fëmijët nuk bën bebisiterin, por babanë e fëmijëve të vet.
