Ka shpërthyer në Islandë, pranë kryeqytetit të Rekjavikut, vullkani Fagradalsfjall.
Lajmin e bën të ditur instituti meterologjik i shtetit islandez, ekspertët e të cilët e parashikonin një aktivizim të mundshëm të këtij vullkani, pas rreth 50.000 tërmeteve që kanë tronditur dy javët e fundit vendin.
Shpërthimet e para të vullkanit kanë nisur mbrëmjen e djeshme në gadishullin e Reikjanesit në jugperëndim të Islandës, rreth 40 kilometra larg kryeqytetit.
Qeveria islandeze u ka kërkuar njerëzve të ruajnë qetësinë dhe askush të mos shkojë në drejtim të shpërthimit.
Ndërkaq, një grup shkencëtarësh, është duke matur shtrirjen e shpërthimit prej një helikopteri.