Teksa qytetarët shqiptarë përpiqen çdo ditë të zgjedhin një ushqim të mirë për vete e për familjet e tyre, sërish e kanë të pamundur të mbrohen, përballë nivelit të lartë të kimikateve, që karakterizon fruta-perimet në tregun shqiptar.
Rasti i fundit është ai i një zonje, e cila, edhe pse ka zgjedhur marketet më të shtrenjta në vend pë të blerë perimet, gjithnjë në emër të një sigurie ushqimore, sërish nuk ka mundur të bleje dot një ushqim me parametra normale të ndotjes nga pesticidet.
“Në kuadrin këshillave të përditshme mbi një ushqyerje të shënndetshme, biem çdo ditë pre e një helmimi, intoksikimi e abuzimi të vazhdueshëm dhe pa asnjë lloj kontrolli edhe në ushqimet bazë të shportës…”, shkruan qytetarja. Në një kontroll të bëre edhe në të ashtuquajturit markete “bio” e me çmime edhe 2-3 herë më të larta se tregu, evidentoj çdo ditë vlera të prezencës së nitrateve që tejkalojnë çdo lloj imagjinate. Ku është AKU apo shërbimi i mbrojtjes së konsumatorit?! Ku konsiston në të vërtetë puna e tyre?! pyet zonja, teksa publikon edhe përqindjen e nitratit që ka hasur në perime të ndryshme.
E në fakt dilemat e kësaj qytetareje janë të gjithë shqiptarëve, të cilët sa i takon sigurisë dhe kontrollit ushqimor në vend, ndihen në mëshirë të fatit.
