Ka reaguar sërish për aferën e inceneratorëve dhe arrestimin e Lefter Kokës nga SPAK-u për këtë motiv, kreu i opozitës Lulëzim Basha. Në fjalën e tij para gazetarëve, Basha tha se arrestimi i Kokës nuk mjaftonte e se drejtësia duhet të vërë në bankën e të akuzuarëve, të gjithë të përfshirët në këtë aferë mafioze përfitimi.
Shqipëria nuk është e varfër, është e vjedhur dhe ja se si duket sot, tha Basha mes të tjerave.Taksat që kanë marrë nga shqiptarët, i kanë vjedhur në bashkëpunim me njëri-tjetrin politikanët. Një skemë e ndërtuar nga persona me precedentë penalë, për anëtarë të krimit të organizuar, në bashkëpunim me oligarkinë, dhe pasi e kanë ndërtuar këtë skemë, pasi kanë vjedhur ditën për diell ashiqare paratë e shqiptarëve, me këto para kanë paguar edhe për të heshtur dhe mbyllur gojën. Të gjithë jemi dëshmitarë se mafia e inceneratorëve ka punuar për të censuruar çdo media, madje dhe për të hequr gazetarë nga puna, dhe mjafton të shikosh, se si i kanë mbytur me reklama mediat inceneratorët. Është unike në botë të mbledhësh në një incenerator plehrash, grupin parlamentar. Është unike në botë, të mbledhësh grupin parlamentar në një incenerator plehrash, kur pak ditë më parë, je paditur nga opozita se ai incenerator është një aferë e madhe korruptive. Në vend që të marrësh masa, të bësh shkarkime, t’i kêrkosh drejtësisë të hetojë, të mbledhësh grupin parlamentar dhe qeverinë, për të mbrojtur skenën e krimit.
Pyetja që shtrohet është çfarë e shtyn një njeri me pushtet politik, t’i përgjigjet një akuze konkrete kështu, nëse vetë është dorëjashtë? Nëse vetë nuk është përfitues i kësaj skeme? Arrestimi i Lefter Kokës është më mirë vonë se sa kurrë, por nuk mund të jetë maja e hetimit, sepse nuk ka njeri t’u mbushë mendjen shqiptarëve, që Edi Rama mblodhi grupin parlamentar tek inceneratori i Elbasanit, për të mbrojtur Lefter Kokën. Jo. Kjo është një skemë brenda së cilës është vetë Edi Rama. Janë kryetarët e 3 bashkive, Tiranës, Elbasanit, Fierit, është Arben Ahmetaj, i cili sapo zëvendësoi Shkelqim Canin dhe bëri të mundur firmosjen brenda një mbledhjeje të qeverisë, të 17 akteve, pavaresissht, se me vonë mund ta kenë lënë me gisht në gojë, se në skemë u fut Veliaj me Gjiknurin.
Është një skemë e vërtetë mafioze, ku nxirret kaq shumë në kurriz të taksave të shqiptarëve, por edhe shendetit te shqiptareve, saqe nje pjese e tyre dedikohen per te blere heshtje e mediave.
