Anglia sapo ka miratuar përdorimin e vaksinës së PfizerBioNtech në masë të gjerë kundër covid-19, duke u bërë kështu vendi i parë perëndimor që e lejon këtë gjë. Mediat britanike dhe amerikane bëjnë të ditur se Pfizer iu përgjigj menjëherë këtij miratimi, duke vendosur t’i nisë sa më parë sasitë e nevojshme, teksa pret ndërkohë miratimin nga Administrata e Ushqimeve dhe Barnave Amerikane.
Agjencia Rregullatore e Medikamenteve Shëndetësore të Anglisë, ka bërë me dije se vaksina është e efektshme 95%, çka e bën atë të sigurt dhe efektive njëkohësësisht.
Brenda pak ditëve, Anglia pritet të nisë imunizimin e grupeve më prioritare. Në total ajo ka porositur 40 milionë doza, 10 milionë prej të cilave pritet t’i mbërrijnë së shpejti.
Miratimi i vaksinës së parë anti-covid në Angli, vjen në një kohë kur në vend kanë vdekur nga ky virus 59 mijë persona. Vaksina do jetë e vlefshme qysh javës që vjen.