Ka deklaruar se nuk ka ndërmend të pështyjë mbi 16 vite bashkëpunim me liderin historik të PD-së, rkeu aktual i saj Lulëzim Basha, gjatë një interviste në ABC news, në emisionin Radar të Jonida Shehut.
Vendimi më i vështirë që kam marrë, deklaroi Basha sa i takonte përjashtimit të Berishës nga grupi parlamentar i PD-së, përjashtim që i dha udhë në fakt, një debati të fortë mes dy kokave të PD-së, dhe drejtimin në të ardhmen të kësaj partie. Mund të kisha marrë vendime më të lehta në nivel personal, tha më tej Basha, por jo. Kam marrë vendimin me kostot më të larta personale, por më të drejtin për PD. Nuk kam ndërmend të pështyj mbi asgjë nga ato që kam bërë me Berishën. Kemi pasur dhe ne gabimet tona. Nuk kam ndërmend t’i shkoj pas fillit një insitucioni që nuk është PD. Nuk kam ndërmend të pështyj mbi 16 vite bashkëpunim, por më duhet të ruaj raportet e bashkëpunimit me partnerin tonë strategjik, që është Amerika .
I pyetur se a do t’i njihte vendimet e demokratëve që do të dilnin nga Kuvendi i datës 10 dhjetor caktuar nga Berisha, e me gjasa votimin e ndonjë mocioni mosbesimi ndaj tij, Basha tha se nuk kishte rëndësi seç ndodhte në 11 dhjetor, se Kuvendi i PD-së do të mbahej më 18 dhjetor, e se PD-ja funksiononte vetëm në bazë të një statuti, dhe jo në bazë të statuteve paralele, sa herë t’i tekej dikujt ta bënte këtë.
