Kreu i Shteteve të Bashkuara Joe Biden, ka deklaruar se variant i ri covid-19, quajtur ndryshe Omicron, nuk është motiv për t’u rimbyllur sërish. Sipas ky variant, mund të jetë motiv për t’u shqetësuar, por aspak për të rënë pre e panikut apo për të shkuar drejt mbylljes së vendeve.
Sipas BBC-së, një ditë pas zbulimit të këtij varianti në Amerikën Veriore, Biden deklaroi se nuk sheh motive për ta futur vendin sërish në lockdown: “Nëse personat janë të vaksinuar dhe mbajnë maskat e tyre… nuk shoh motiv pse duhet të mbyllemi”, deklaroi ai mes të tjerave.
Në një deklaratë të sajën bërë ditën e hënë, Shtëpia e Bardhë deklaroi se ishte e pashmangshme që varianti Omicron i covid-19, pikasur për herë të parë në Afrikën Jugore, të mbërrinte edhe në Amerikë. “Do luftojmë deri në fund’, tha Bideni, “e do ta mundim edhe këtë variant”.
Gjatë fundjavës që sapo lamë pas, Shtetet e Bashkuara ndaluan udhëtimet nga Afrika Jugore, Botsvana, Zimbabveja, Namibija, Lesotoja, Esvatini, Mozambiku dhe Malavi. Po njësoj kanë vepruar edhe Kanadaja, Mbretëria e Bashkuar dhe Bashkimi Evropian, të cilat kanë kufizuar gjithashtu hyrje-daljet me Afrikën e Jugut.
Teksa Biden konfirmoi ndërprerjen e udhëtimeve me këto vende, në mënyrë që të kishin kohë për ta studiuar këtë variant të ri, OBSH-ja e cilësoi Omicronin si një “variant shqetësues”, i cili nuk dihet ende nëse karkterizohet nga një transmetim më i fuqishëm, apo nxjerrje jashtë loje të vaksinave.
Kritikët, nuk ngurruan t’i kujtonin Bidenit se ai e cilësoi Trump-in si “ksenofobist histerik”, kur ky i fundit në 2020-n, kufizoi lëvizjet me Kinën, teksa koronavirusi përhapej në Amerikë.
