Ka nisur ditën e sotme votimi për krerët e bashkive e anëtarët e këshillave bashkianë në tërë Shqipërinë, I cili në fakt ka pasyruar një sërë problematikash me pajisjet elektronike të identifikimit, PEI, një problematikë kjo e praniuar në daljen e parë publike edhe prej kreut të KQZ-së Ilirjan Celibashi. Në komunikimin e tij Celibashi pranoi se në 206 qendra votimi e kanë të konfiguruar pajisjen PEI që identifikon qytetarët, por nuk mund të marrin të dhëna në kohë reale prej saj, dhe 533 qendra të tjera për të cilat KQZ-ja nuk ka informacion se si po bëhet votimi.
Në momentin që flasim, janë 40464 qendra votimi të cilat funksionojnë normalisht, tha Celibashi, në kuptimin e pajisjes elektronike të identifikimit. Janë 206 qendra votimi, të cilat sipas informacionit në kohë reale që ne e marrim përmes sistemit, që na tregojnë se këto 206, 205 qendra votimi, pajisja është e konfiguruar, por nuk mund të marrim në kohë reale informacion, ndërkohë janë edhe 533 qendra votimi për të cilat ne nuk kemi informacion. Që do të thotë, ose të gjitha këto qendra votimi, PEI nuk funksionon, funksionon pjesërisht ose plotësisht, por këtë të dhënë ne nuk e kemi përmes sistemit. Ne jemi duke komunikuar me këto qendra votimi, për të ditur nëse aty procesi është duke u zhvilluar nëpërmjet PEI apo manualisht. Me pak fjalë, janë 532 qendra votimi për të cilat presupozohet, në rastin më të keq, se identifikimi nuk po bëhet nëpër mjet pajisjes së identifikimit. E kuptojmë shumë mirë gravitetin dhe rëndësinë e kësaj problematike, por kjo është situata, tha mes të tjerave Celibashi, duke e justifikuar këtë situatë, se kaq mundësi teknike e burimesh njerëzore zotëronin.
