Ka bërë daljen e fundit për sot kreu i Bashkisë së Tiranës, ku ka deklaruar edhe fitoren e Krrabës dhe të Shëngjergjit nga Partia Socialiste.
Teksa ka përgëzuar mbështetësit për punën e palodhur, Veliaj nuk ka nguruar as të tregojën se si numërohen kutitë e votimit, duke i bërë kështu një shpjegim në distanë liderit të PD, Basha, i cili në një deklaratë mesditën e sotme, e justifikoi epërsinë e Tiranës në vota, me tendencën preferenciale të hapjes së tyre, nga partia në pushtet.
Për të gjithë Të gjtihë ata që nuk kanë qenë ndonjëherë numërues, dua t’i sqaroj se në fakt ka vetëm një rend, nga 1-shi tek 10-a, kështu numërohen edhe kutitë, fillon kutia 2000, 2002, 2001, dhe kush lider politk sajon me mbajt njerëzit e vet me gajret, qartazi nuk e ka bërë kurrë gavetën as ke Partia vet, as ka qenë vullnetar dhe numërues, se minimalisht do e dinte që nuk është zgjedhja e dikujt se cilat kuti zgjedh, por është renditja sipas numrit. Mbarin kutia 2001, vazhdon 2002 e me radhë, e kjo është dhe arsyeja pse keni parë shumë Xhemalin sot, se ajo renditje e numrave dhe e kutive në zonën rurale, përkon me atë që quhet Malësia e Tiranës. Kështu që ne kemi qenë këtu sot për të deklaruar fitoren e Dajtit, fitoren e Bërzhitës, dhe më vjen mirë që sot kemi një supër rekord me Partinë Socialiste, 70%, me fitoren e Kërrabës e Shëngjergjit.
