Teksa bota përballet me pandeminë dhe me variantet e reja të virusit me gjasa po vdekjeprurëse, shefi i BioNtech-ut dhe njëri prej shpikësve të vaksinës anti-covid Ugur Sahin, është shprehur se virusi vdekjeprurës mund të rrijë me ne të paktën dhe për dhjetë vite të tjera.
Në një konferencë onlajn për shtyp, kur e pyetën se kur mund t’í kthehemi normalitetit, Sahin-i foli edhe se kur mund të ikë virusi. Kemi nevojë për një përkufizim i ri i normales. Virusi mund të rrijë me ne dhe për dhjetë vitet në vijim, u tha ai përfaqësueseve mediatikë.
Vaksina e BioNtech-ut, zhvilluar me gjigandin farmaceutik amerikan Pfizer, është autorizuar për përdorim në më shumë se 45 vende, përfshi edhe Britaninë dhe Amerikën. Sahin-i pohoi se, për përafërsisht gjashtë javë, vaksina mund të modifikohet edhe për variantin e ri britanik: Në parim, e mira e kësaj teknologjie është që mund të përgatisim brenda gjashtë javëve, një vaksinë që t’í përgjigjet këtij mutacioni të ri, tha ai.
Ai gjithashtu u shpreh besimplotë se varianti i ri i covid-19 në Angli, nuk do ndikonte në efektshmërinë e vaksinës.
Siç edhe dihet, në 19 dhjetor, kryeministri Boris Johnson njoftoi zbulimin e një variant të ri të covid-19, i cili kishte rezultuar rreth 70% më i transmetueshëm.
