Sipas kreut të Urgjencës Kombëtare, dr. Skënder Bratajt, autoambulancat e reja janë sikur një minispital në dyert e pacientit.
Jemi fokalizuar tek to, duke qenë se ishte caktuar më tepër si antikovid, është shprehur ai gjatë prezantimit të tyre, por janë 4400 litra oksigjen në çdo ambulancë. Nga disa orë, mund ta çojmë nga Konispoli në Tropojë po të duam pacientin të asistuar. Në momentin që hyn brenda, si pjesa kardiake, për defibrilim, elektogram, për infarkt, si pjesa e oksigjenit dhe aparatet e tjera, dhe seti i traumës, janë aty, pra është një spital që shkon tek pacienti.
Ne na intereson të mbërrijmë sa më shpejt tek pacienti dhe në momentin që mbërrijmë, pacienti si të thuash është në spital, pranë në një minispital, i cili më pas do të hyjë në urgjencën e spitaleve e do të ndjekë procesin e diagnostimimit dhe atë terapeutik, në repartin përkatës. Por ajo që është e rëndësishme, është që këto do të shkojnë në çdo cep të Shqipërisë.
Ne zoti kryeministër, vazhdon Brataj, kemi 748 mijë thirrje nga 430 mijë që kishim vitin e kaluar, 135 mijë vizita në banesë dhe 175 mijë këshillime mjekësore,. Të gjitha këto duhet t’i shumëzoni me 100-150 euro që i kursehen shtetit, vetëm duke shkuar në banesë, prandaj gjithë ky investim e justifikon më së miri trajtimin e pacientit në banesë me të gjitha këto pajise, për të mos kaluar kot nëpër spitale.
Shpejtësia e arrtijeve në banesë vitin që shkoi ka qenë 13.8 minuta, si mesatare, nga 5, deri në këtë që thamë. Me kovidin, kuptohet që koha është ndryshe, se kuptohet që do ndërrohen, do vishen, do…se nuk është urgjencë. Pacienti me kovid do shkohet, do asistohet. Kështu që jemi tek 13.5 për atë që ne e quajmë kod i kuq.
I pyetur nga Rama në plotësohen nevojat për gjithë Shqipërinë me autoambulancat e tjera, Brataj u përgjigj se po, dhe se tani nuk ka më justifikime për mos pasje mjetesh dhe mundësish.
