Ka tronditur tërë Greqinë ekezutimi mafioz i gjashtë personave në Lutsa të Greqisë, për të cilin u përfol se gjashtë të vrarët ishin me origjinë shqiptare.
Përndryshe nga sa u aludua mbrëmë, në mediat greke ditën e sotme bëhet me dije se gjashtë të ekzekutuarit janë me origjinë kurde, të ardhur në Greqi me gjasa për trafik droge.
Nga sa njofton gazeta e njohur greke Ekathemerini, të ekzekutuarit kishin emra turq, pasaporta franceze dhe udhëtonin me një makinë me targa gjermane.
Teksa hetimet në vend vazhdojnë, pistat e para janë ato të prishjes së pazareve të drogës dhe hakmarrjes mes grupeve rivale.
