Presidenti i zgjedhur i Amerikës, Donald Trump ka deklaruar se ka biseduar mbrëmë në telefon me presidentin e Kinës Xi Jinping.
Nga sa shkruan edhe vetë Trump në rrjetin e tij social “Truth”, biseda mes tij dhe Xi Jinpingut qe zhvilluar me nota mjaft pozitive: “Sapo fola me presidentin kinez”, shkruan Trump. “Telefonata ishte shumë pozitive si për Kinën ashtu edhe për Shtetet e Bashkuara. Unë pres që të zgjidhim shumë probleme së bashku, duke filluar menjëherë. Ne diskutuam për balancimin e tregtisë, Fentanylit, TikTokut dhe shumë tema të tjera. Presidenti Xi dhe unë do të bëjmë gjithçka mundemi, për ta bërë botën më paqësore e më të sigurt!”, përfundon Trump.
Kjo është biseda e parë e dyshes, pas 4 viteve që Trump nuk kishte qenë në pushtet.
