Në fjalën e tij të lamtumirës drejtuar amerikanëve mbajtur ditën e martë, presidenti në ikje Donald Trump ka shprehur shprehur kënaqësinë për punët e arritura deri më tani në krye të Shtëpisë së Bardhë, duke i uruar mes të tjerave edhe fat pasardhësit Biden.
Të dashur bashkëqytetarë, ka thënë ai në fjalën e tij, katër vite të shkuara, ne u sforcuam kombëtarisht për të ndërtuar vendin tonë, për t’i rigjallëruar shpirtin… Ndërmorëm një mision për ta bërë Amerikën të mrekullueshme sërish. Teksa përmbyll sot këtë mandat katërvjeçar, si presidenti i 45 i Shteteve të Bashkuara të Amerikës, ndihem vërtet krenar përpara jush, për atë që arritëm së bashku… Rikthyem forcën amerikane të atdheut dhe lidershipin amerikan në Perëndim, si dhe ndërtuam ekonominë më të madhe në historinë e botës. Gjallëruam aleancat tona, dhe bëmë bashkë shtetet e botës t’i kundërviheshin Kinës, si kurrë më parë.
Ndihem sidomos krenar, që jam Presidenti i parë këtyre dhjetëvjeçarëve, i cili nuk ka nisur asnjë luftë.
Këtë javë nis punën administrata e re, dhe lutemi për suksesin e saj, në mbajtjen e Amerikës të sigurt e në lulëzim. Kanë urimet tona dhe paçin fat.
Jemi një vend i mrekullueshëm, vazhdoi ai. Të gjithë amerikanët u tronditën nga sulmi ndaj Kongresit tonë. Dhuna politike është një sulm ndaj gjithçkaje ne amerikanët duam. Nuk do tolerohet kurrë… Rreziku më i madh me të cilin përballemi, është humbja e besimit tek vetja dhe tek madhështija jonë kombëtare.
Mes të tjerave në fjalimin e tij të lamtumirës, Trump falënderoi familjarët e tij e po ashtu edhe familjen e zëvendëspresidentit Mike Pence, duke shprehur gjithashtu, më pas, edhe falënderimet stafit që kishte bashkëpunuar me të gjatë këtyre viteve, e po ashtu edhe Steve Banon-it, një prej bashkëpunëtorëve më të ngushtë të tij gjatë fushatës elektorale të katër viteve më parë, i cili u arrestua për një mashtrim me fondet e ndërtimit të murit të Meksikës.
Trump pritet ta lënë Shtëpinë e Bardhë në orën 8 të mëngjesit (amerikane), ditën e mërkurë.
