Sulm terrorist në Turqi, 5 të vrarë dhe 22 të plagosur

Pesë persona u vranë dhe 22 të tjerë u plagosën gjatë një sulmi terrorist që synoi godinën TAI-t në Ankara të mërkurën pasdite.

Ministri i Brendshëm Ali Yerlikaya, ka konfirmuar se shpërthimi i dëgjuar jashtë ambienteve, ishte një sulm terrorist. Ai deklaroi se gjatë këtij sulmi, pesë persona vdiqën dhe 22 të tjerë u plagosën, duke theksuar se dy nga të lënduarit janë në gjendje kritike.

Ndërsa asnjë grup terrorist nuk mori përgjegjësinë për sulmin, ministri i brendshëm tha se gjetjet fillestare tregojnë se grupi terrorist PKK si autor të sulmit, por procesi për identifikimin e terroristëve është ende në vazhdim e se një deklaratë zyrtare do të bëhet pasi përfundimit të hetimit.

Yerlikaya vuri në dukje se forcat turke të sigurisë neutralizuan dy terroristë, një mashkull dhe një femër.

Forcat e sigurisë po përpiqen të identifikojnë terroristët, tha ministri, duke shtuar se emri i grupit terrorist do të shpallet në përputhje me rrethanat.

Yerlikaya shprehu ngushëllimet e tij për familjet e të ndjerëve, ndërsa u uroi shërim të shpejtë të plagosurëve, ndërsa dënoi sulmin.

“Lufta jonë do të vazhdojë me vendosmëri dhe këmbëngulje, derisa terroristi i fundit të neutralizohet,” tha Yerlikaya.

Ai i bëri thirrje publikut që për zhvillimet e fundit, të mbështetet në deklaratat e burimeve zyrtare.