Janë shtuar edhe më tepër akuzat për abuzim seksual kundër Sean John Love Combs, reperit, producentit dhe sipërmarrësit amerikan, dërguar në gjyq në Nju Jork, për shkak se kishte detyruar një duzinë ish-bashkëpunëtorësh të kryenin akte seksuale të padëshiruara me të ose në praninë e tij. Avokati Tony Buzbee, ka njoftuar atë e kanë kontaktuar edhe 120 persona të tjerë, për t’i përfaqësuar në një padi të re kundër muzikantit dhe sipërmarrësit njohur si Puff Daddy. Akuzuesit janë burra dhe gra që ishin nga 9 deri në 38 vjeç në kohën e sulmeve
Nga përdhunimi tek trafikimi i qenieve njerëzore për qëllime seksuale
Ndërkohë, P. Diddy i njohur si Sean Combs, manjati i hip hopit, ndodhet në burg, pasi akuzohet për abuzim seksual dhe dhunë. Ai është nën hetim për krime shumë të rënda, duke filluar nga përdhunimi deri te trafikimi i qenieve njerëzore për qëllime seksuale.
Por, aktualisht, ai nuk është i vetmi në qendër të vëmendjes: lista e njerëzve që kanë marrë pjesë ndër vite, në të ashtuquajturat “White Party” të Sean “Love” Combs është shumë e gjatë dhe shumë prestigjioze. Në fakt, nëpër festat e tij kanë marrë pjesë disa nga emrat më të mëdhenj të VIP-ave, duke përfshirë yjet e popit, yjet e rock-ut, yjet e Hollivudit dhe njerëz shumë të famshëm.
Publiku dhe autoritetet janë duke ngritur pyetjen nëse disa syresh kanë qenë të përfshirë edhe në abuzimin për të cilin po flitet apo nëse e dinin se çfarë ndodhte gjatë atyre festave.
“White party” dhe “Freak Off”
Nga njëra anë ka qenë e ashtuquajtura “White Party”, një festë me një kod veshjeje të rreptë, krejtësisht të bardhë, alkool dhe muzikë. Nga ana tjetër, flitet për për “freak off”. Këto të fundit, me sa duket, ishin shfaqje të vërteta të performancave seksuale ekstreme, ku gratë dhe burrat kanë pësuar abuzime nga më të ndryshmet dhe më të papërshkrueshmet, duke u droguar dhe hidratuar përmes serumeve, për të kryer ato maratona seksuale të tmerrshme dhe degraduese.
Mes provave të mbledhura prej hetuesëve, ka disa video të xhiruara gjatë këtyre shfaqjeve dhe rreth një mijë pako me vaj “Johnson Baby” dhe lubrifikantë të tjerë, gjetur në shtëpinë e Combs. Megjithatë, nuk dihet ende me siguri që të gjithë të ftuarit që kanë marrë pjesë në “Ëhite Party”, kanë qenë të përfshirë edhe në “freak off”: siç e shpjegon edhe Tom Sëoope, një producent eventesh që rrëfeu përvojën e tij të drejtpërdrejtë në kanalin e vet në YouTube, në festat e organizuara nga reperi kishte nivele të ndryshme aksesi, dhe kjo ishte arsyeja që dikush mund të ftohej në “Ëhite Party”, por pa pasur leje për të hyrë tek freak off-et, të cilat duket se kanë qenë të rezervuara për një rreth më të vogël njerëzish.
Pikërisht për këtë arsye, shumë prej të ftuarëve të famshmën nëpër “White Party”, si yjet e kalibrit të Justin Bieber, Jennifer Lopez dhe Leonardo DiCaprio, nuk kanë qenë të pranishëm në “freak off” dhe ka të ngjarë që shumë prej njerëzve i pranishëm në këto festa, as që e kanë ditur se çfarë po ndodhte diku tjetër në rezidencën e Sean Combs.
