Skuadra e famshme e futbollit FC Barcelona, është zhytur në rreth 1 miliardë euro borxhe, dhe shkak për këtë është bërë rroga e faraonike e futbollistit Lionel Messi.
Të paktën kështu ka deklaruar sot gazeta spanjolle El Mundo, e cila ka publikuar ndërkaq edhe një kontratë katërvjecare të futbollistit me Barçën në 2017-n, me shumën e 555.237. 619 eurove. Pikërisht për shkak të këtyre borxheve, Barça ka pasur edhe probleme me ardhjen apo largimin e zërave të tjerë nga grupi, dhe motivi, thotë El Mundo, janë pikërisht paratë e shpenzuara me Messi-n.
Ndërkaq, grupi katalanas ka reaguar ndaj këtij lajmi me një deklaratë, ku pohon se i vjen keq që një kaq personale është bërë publike, dhe se do të ndjekë rrugën ligjore me ata që e kanë publikuar këtë lajm, pa sqaruar nëse lajmi është i vërtetë apo jo dhe duke mohuar kategorikisht përfshirjen e grupit në këtë publikim.
Sipas gazetës El Mundo, rreth katër vite më parë Messi ka mundur të sigurojë një kontratë prej 138,809,404.38 euro bruto (rreth 75 milionë neto), kurse sipas El Pais, ai ka marrë deri më tashmë rreth 92% të shumës totale, përfshi këtu edhe një bonus për firmosjen, rreth 15,225,000 euro, si dhe një tjetër bonus, quajtur besnikërie, prej 77,929,955 eurosh.
