Pas protestave të serbëve në Jarinjë mbi vendimin e marrë nga qeveria Kurti mbi mbajtjen e targave të përkohshme kosovare nga automjetet serbe që hyjnë në Kosovë, ka reaguar edhe kryeministri serb Aleksandër Vuçiç.
Në një dalje të tijën televizive pas nisjes së protestave dhe bllokimit të Jarinjës, Vucic shprehet se nëse Prishtina do vazhdonte të vinte në rrezik pronën dhe jetën e serbëve, do t’i kërkonte ndihmë Natos. Shpresoj të mos jemi të detyruar të zbatojmë masat tona, si ekonomike, ashtu edhe politike, tha ai, teksa shtoi se kishte thirrur nje mbledhje të zyrtarëve të sigurisë të martën, për të diskutuar mbi situatën në Kosovë.
Kujtojmë që targa e përkohshme, sipas deklaratës së kreut të qeverisë kosovare, Albin Kurti, përdoret aktualisht nga pala serbe mbi automjetet kosovare që hyjnë në Serbi, dhe se vendimi i marrë aktualisht nga qeveria Kurti, ka të bëjë thjesht me reciprocitetin e dy vendeve në këtë drejtim.
