Në fjalën e tij mbi ujin dhe energjinë elektrike në vend, si dhe planin e zhvillimit të dy sektorëve përgjatë një mandati të tretë të mundshëm të PS-së, kreu i saj Rama, tha se më në fund, në përfundim të këtij mandati të tretë, Shqipëria do furnizohet 24 orë pa ndërprerje me 100% ujë të pijshëm, e se uji nuk do ishte më kartë e betejave elektorale, siç ka qenë për vite të tëra në politikën shqiptare.
Mandati i tretë qeverisës, tha Rama, do garantojë në disa faza furnizmin me ujë 24 orë në Tiranë, ku është edhe problemi më i madh, pasi ka ndodhur edhe përqendrimi më i madh, si rezultat i lëvizjes së lire të popullsisë masive në vite, që ka sjellë edhe nevojën masive për investime në sistemin e furnizimit me ujë. Dhe kur them Tiranë 24 orë ujë brenda mandatit të tretë, përfshij edhe Kamëzën dhe Vorën. E njëjta gjë do të ndodhë me Shkodrën, Vlorën, Durrësin, ku nuk ka pasur 24 orë ujë, e ku sot ka një përmirësim të ndjeshëm, përfshi Elbasanin, Kukësin dhe krejt vijën turistike nga Velipoja në Sarandë. Me rritjen e buxhetit për ujin në mandatin e tretë me 40 %, falë jo vetëm buxhetit të shtetit por edhe mbështetjes që kemi siguruar për këtë sektor jetik nga qeveria gjermane, franceze, zvicerane, ne do të garantojmë më në fund, 100% ujë të pijëshëm. 24 orë në zonat urbane në 61 bashki të vendit, dhe uji i pishëm nuk do të jetë me teme fushatash elektorale dhe përballjesh politike.
Gjatë fjalës së tij Rama përmendi edhe situatën se si e kishin gjetur këtë sektor në 2013-n, e se ç’hapash kishte ndërmarrë qeveria e tij për të ndryshuar situatën.
Për ujin gjetëm 23 strategji kombëtare, dhe 78 dokumenta strategjikë. 23 strategji, për 23 vjet, nga 90-a deri në 2013-ën, financuar nga lloj-lloj entesh dhe donatorësh, miliona e miliona euro, që ishin një tregues kuptimplotë i një fakti drithërues: uji i pijshëm, çdo burim dhe rrjedhë uji në Shqipëri, ishin në mëshirë të fatit. Sistemi i furnizimit me ujë të pijshëm një sistem totalisht i korruptuar politikisht, me ndërmarrje ujësjellësi të falimentuara financiarisht, të kthyera në fole punësimi për partitë që i linin vendin njëra-tjetrës, qoftë në nivelin vendor, qoftë në atë qendror, me një system furnizimi të tërin në kolaps.
Ne e nisëm me konceptimin e një tjetër arkitekture të administrimit të sistemit, me krijimin e një Agjencie Kombëtare, e cila faktikisht koordinon nga lart investimet dhe menaxhimin në sistemet e furnizimit me ujë, dhe njëkohësisht edhe atë të administrimit të mbetjeve, me një plan strategjik investimesh dhe me një financim masiv të projekteve, që nisën të hartohen njëri pas tjetrit, natyrisht edhe në bashkëpunim edhe me qeverisjen vendore. Qeveria jone ka miratuar vetem gjatë mandatit të dztë, 320 projekte, në këshillin teknik të agjencisë kombëtare, dhe vetëm në dy vitet e fundit janë hapur mbi 200 kantiere për vepra të ujësjellës-kanalizimeve, që do të garantojnë 24 orë ujë brenda 2021-it në territore, komunitete, hapësira urbane, që e kanë vuajtur prej kohësh nga kjo lëngatë, theksoi Rama në fjalën e tij
