Diaspora nuk do do të jetë më një zë më vete në mandatin e tretë qeverisës të Edi Ramës, por do të jetë pjesë e integruar në ministrinë e Evropës dhe Punëve të Jashtme.
Kështu ka deklaruar kreu i qeverisë Rama, gjatë një interviste me gazetarin e Zërit Amerikës Arben Xhixho, teksa ky i fundit e pyeti seç do të ndodhë gjatë mandatit të tretë me platformën për Diasporën, aq të trumpetuar gjatë mandatit të dytë të qeverisë Rama. Pyetjes së Xhixhos Rama iu përgjigj se Pandeli Majko e ka përmbyllur të gjithë kuadrin e reformave, e se tashmë Diaspora do të jetë pjesë e ministrisë për Evropën dhe Punët e Jashtme.
Xhixho: Z. Kryeministër, përpara disa vitesh ju u bëtë nismëtar i organizimit të të ashtuquajturit Samit i DIasporës, gjatë mandatit të mëparshëm madje, ju patët edhe një anëtar kabineti madje për Diasporën. Sot duket se ky angazhim është zbehur. Gjatë qendrimit në Neë York këto ditë, nuk kemi parë ndonjë njoftim të takimeve tuaja me komunitetin shqiptaro-amerikan. Si e shikoni ju rolin e Diasporës?
Rama: Faktikisht unë i kam takuar përfaqësuesit e komunitetit shqiptaro-amerikan, dhe mendoj se është bërë një punë goxha e mirë nga ministri për Diasporën Pandeli Majko, i cili faktikisht e ka përmbyllur të gjithë kuadrin e reformave dhe të bazës ligjore për një punë më të qëndrueshme me Diasporën, dhe tanimë mbi këtë bazë, Diaspora do të trajtohet nga ministria për Evropën dhe Punët e Jashtme.
