Kreu i qeverisë Edi Rama, në takimin e sotëm me kryesinë e Partisë Socialiste, ka deklaruar se këto zgjedhje janë shumë të rëndësishme, për hir të kontekstit gjeopolitik. Në fjalën e mbajtur Rama tha se rezultati i 11 është më përtej se fitorja e një partie, e se mund të jenë shansi i munguar për t’u bërë pjesë e BE.
“Rezultati i 11 majit, është më shumë se fitorja e një partie, tha Rama. “Për ne si familje politike, ka qenë gjithmonë e rëndësisë së veçantë të fitojmë zgjedhjet, por në 11 maj rëndësia e fitores së zgjedhjeve dhe vetë rezultatit i zgjedhjeve, kanë një peshë mbi të ardhmen e afërt të vendit, shumë më të madhe, se ç’kanë pasur në të gjitha zgjedhjet e mëparëshme, nëntë herë me radhë.
Për herë të parë, qyshse unë jam në krye të PS e të qeverisë, është hapur një dritare që nuk ka qenë e hapur, siç ka qenë sot, në marrëdhënien e Shqipërisë me BE. Për herë të parë, dëshira dhe ambicia jonë, përputhet me dëshirën e BE, për të përfshirë në familjen e vetë Shqipërinë, si asnjë herë më parë. Për të thënë e kanë thënë gjithmonë, por asnjë herë yjet nuk janë përputhur si sot, dhe asnjë herë konteksti gjeo politik nuk ka qenë i favorshëm si sot për ne.
Mirëpo, kjo nuk është një dritare e hapur përgjithmonë, por në këtë kontekst, dhe ky nuk është një kontekst i pandryshueshëm, dhe mundësia që marrëdhëniet e BE-së me ne, të kthehen përsëri në të zakonshmen “keni bërë përparime mbreslënëse, por duhet të bëni akoma”, e me radhë, është një mundësi që nuk është përjashtuar, përkundrazi, sot për sost është e lënë mënjanë, sepse interesi i Evropës, për t’u forcuar në të gjitha drejtimet dhe për ta parë procesin e zgjerimit si një nga drejtimet e forcimit të vet, është më i madh se cdo gjë tjetër. Dhe këtu është edhe përputhja e rrethanave tona të brendshme, me rrethanat e brendshme të BE. Dhe kjo është dritarja që ne nuk duhet të lejojmë që Shqipëria ta humbasë si mundësi.”
Kujtojmë që aktualisht BE është valën e shtimit të forcave të mbrojtjes për veten dhe Ukrainën, duke qenë se presidenti amerikan trump ka tërehqur të gjitha trupat për hir të mos nënshkrimit me Zelenskin një marrëveshje për tokat e rralla, duke i lënë kështu udhë të lirë Rusisë, në invazionin e saj.
Me gjasa, Rama e sheh këtë si një kontekst pozitiv për t’u bërë pjesë e BE-së, pavarëëisht se ky është një kontekst lufte, që nuk i dihet si do të marrë.
