Në fjalën e vet në Asamblenë e Përgjithshme të Këshillit të Europës mbajtur ditën e djeshme, kreu i qeverisë Rama hodhi poshtë të akuzat për çështjen e trafikimit të organeve prej krerëve të UCK-së, duke theksuar se prokurorja italiane Carla Del Ponte, nga akuzat e së cilës nisën në fakt hetimet mbi trafikimin e organeve njerëzore prej UÇK-së, e ka sajuar një histori të tillë vetëm për të shitur librin që shkroi pasi u tërhoq nga detyra.
Më lejoni ta përsëris, tha Rama gjatë fjalës së tij në Asamblenë e Përgjithshme në KE, se pretendimet e pavaërtetuara të një ish prokuroreje të përgjithshme, në kërkim të shitjeve të mëdha të librit të saj, e dimë se çfarë ndodh me njerëzit që largohen nga detyra dhe hartojmë kujtimet e tyre, çoi në një mocion, i paraqitur nga një parlamentar i Rusisë së Bashkuar, që u shndërrua më pas në një raport të Këshillit të Europës, mbështetur në burime tejet të dyshimta, që më pas u shndërruan në një rezolutë të kësaj asambleje parlamentare, e cila çoi pastaj në krijimin e dhomave të spacializuara të Kosovës, për të gjykuar, personat e dyshuar për trafikim të organeve njerëzore, ndërkohë që luftonin luftën e tyre për liri.
Rama theksoi mes të tjerave, se gjithçka e paraqitur në atë rezolutë. ishin rezultatet e një fantazie, për shkak se shtëpia e verdhë për të cilën thuhej se qenë kryer operacionet për trafikimin e organeve, nuk është gjë tjetër veçse një shtëpi e thjeshtë guri e një familjeje të varfër shqiptare, ashtu si shumë të tjera në atë zonë, e se shumëçka që rrëfehet në atë libër e në atë rezolutë, nuk është gjë tjetër veçse pjellë e fantazisë
Ai fshat, vazhdoi Rama, aso kohe ishte i kufizuar nga furnizmi me energji elektrike dhe ujë të pishëm si edhe nga rrugë te asfalatuara. Ky nuk është saktësisth vendi ideal për ndëryrje të këtij lloji. Edhe fshatarët e zonës që u pyetën, jo vetëm që nuk kishin parë, po as kishin dëgjuar të tilla gjëra, por edhe për heshtjen e tyre, fantazitë që u paraqitën këtu përpara gjithë asamblesë parlamentare, morën një përgjigje. Shkruhet, se u referohen kërcënimeve, pra fshatarët ishin kërcënuar nga anëtarët e UÇK-së, si edhe ishin gënjyer me gjëra të tilla si alkooli, droga e prostitutat, pra prostitutat, silleshin nuk e di se nga, për t’i heshtur këta fshatarë, duke qenë se për alkoolin dhe drogën është më e lehtë të besohet, duke qenë se ka një supozim në të gjithë botën, se të gjithë shqiptarët i përdorin“
Kujtojmë që në librin e saj: “Gjuetia, unë dhe kriminelët e luftës”, Carla Del Ponte aludon fuqishëm për manipulimin ose zhdukjen e tërë dëshmitarëve nga ana e anëtarëve të UÇK-së, në favor të mohimit të çështjes.
