Kryeministri Rama e ka cilësuar të paprecedentë situatën e mosrekpektimit të rregullave anti-covid, nga ana e bareve, restoranteve dhe qendrave tregtare. Në konferencën e jashtëzakonshme mbajtur përpara gazetarëve, ai u tërhoqi vëmendjen pronarëve të tyre, që të mos bëheshin manjakë të përfitimeve maksimale në këtë periudhë e të respektonin masat, dhe se qeveria po mendon jo vetëm të rrisë gjobat për mosrespektimin e tyre, por edhe t’i përshkallëzojë ato sipas ambienteve përkatëse.
Po e them edhe një herë, duke e filliuar nga tregtarët, të cilët me gjithë fleksibilitetin dhe mirëkuptmin e autoriteteve për të mos i ngarkuar më shumë psikologjikisht, por edhe për të mos i penguar në rimbëkëmbjen e vështirë, nuk duhet ta marrin në asnjë mënyrë si mundësi për të abuzuar, pastaj me radhë gjithë të tjerët, po tregtarët kanë një rëndësi të madhe, pasi janë ambientet e tyre, sepse aty ndërveprohet më shumë. Rreziku më i madh nuk është në shtëpi apo zyrë, por pikërisht aty ku është edhe ndërveprimi më i madh, dhe nëse nuk duan të kthehemi tek masat e forta kufizueze, duhet që sot të mos kërkojnë të nxjerrin maksimumin, duke vënë në rrezik shëndetin e njerëzve dhe stabilitetin e sistemit shëndetësor. Ne nuk duam që policia të hyjë nëpër bare, restorante e klube, se, kjo nuk është më e mira për ecurinë e aktiviteti tregtar, por nëse nga ana e tregtarëve nuk ka reagim të menjëhershëm, patjetër që do të ndodhë kështu, policia do ndërhyjë në zbatimin e masave, e po ashtu edhe gjobat, do t’i rrisim. Do rrisim gjobat për baret, restorantet, qendrat tregtare dhe do bëjmë edhe një përshkallëzim sipas hapësirave dhe kushteve për abuzim. Unë e kam shumë mik Ermal Mamaqin, por është e patolerueshme të mblidhet një milet i tërë siç ndodhi. Është shembulli më i keq. Lokalet më të mira, me më shumë fitime, me më pak dhimbje koke, të bëhen vatra kur kërcen kovidi me muzikë, megjithatë, edhe një herë e përsëris është një thirrije për të mos hapur të çara në një front ku secili të luajë rolin e vet.
