Ka nisur e fortë përplasja Rama-Meta, pas largimit të këtij të fundit nga presidenca dhe daljes prej Autoritetit që merret me dosjet e Sigurimit të Shtetit, e dokumentit ku thuhej se personi me inicialet I.M kishte spiunuar shokun e klasës.
Pasi Rama shpjegoi në një status të gjatë se mbështeste në thelb Gentiana Sulën për atë që thoshte, i menjëhershëm ka qenë edhe reagimi i Metës, i cili sjell në vëmendje të publikut shqiptar, karikaturat e Ramës, në rrëfenjat propagandistike të viteve ’80, mbi Sigurimin e Shtetit.
Ju përshëndes me këtë karikaturë të karikaturistit të preferuar të Sigurimit, Edi apo Edvin Rama, përshtatur në një shkrim të revistës “Në shërbim të popullit”, 10 tetor 1983, ku çuditërisht në shkrimin e porositur nga Sigurimi flitet për heroizmin e një “Mata Hari” shqiptare të quajtur Neta, shkruan Meta në statuset e veta. Partia e Punës e kishte Edi Ramën karikaturistin e preferuar të shkrimeve propagandistike kushtuar Sigurimit dhe spiunazhit.
Ndërsa Partia Socialiste e ka Edi Ramën, Kryetarin e bandës së inceneratorëve.
Pikërisht këtu do të fokusohemi dhe ne për të zbardhur grabitjet e tij galopante dhe për t’i dhënë ndëshkimin e merituar.
Në foto: (Karikatura e Edi Ramës në revistën “Në shërbim të popullit”, 10 tetor 1983)
