Ka bërë spektakël me hapjen e aeroportit të Kukësit, ditën e sotme kreu i qeverisë Edi Rama, i cili ka treguar përmes fejsbukut të tij tërë aktivitetin, që prej nisjes nga Tirana me Air Albania, e deri tek mbërritja në aeroportin e Kukësit, batutat e shkëmbyera brenda në avion, e po ashtu edhe fjalën e rastit.
Ajo që bie në sy nga videot e shpërndara prej tij, është entuziazmi që ka karakterizuar jo vetëm atë, por edhe udhëtarët e parë drejt këtij aeroporti, të cilët në fakt nuk duken si “300 çuna Londre”, por si qytetarë (burra, gra e fëmijë) që kishin vendosur ta ndanin atë udhëtim me kreun e shtetit Rama.
Aeroporti i Kukësit, është një premtimet e qeverisë Rama gjatë mandatit të dytë qeverisës e cila, sipas ministres Balluku, ka nisur të gjitha proceduarat për të funksionuar normalisht brenda 17 qershorit.
