Raketa hapësinore kineze Long March 5B, lëshuar thuajse një javë më parë në hapësirë, po bie në mënyrë të pakontrolluar nga qielli, duke vënë kështu në lëvizje mjaft njerëz e vende, të shqetësuara mos janë në trajektoren e rënies së saj, duke rrezikuar kështu jetën.
Sipas ekspertëve të fushës, nuk ka aspak vend për panik, për shkak se edhe sikur në rastin më të keq ajo të bjerë në zona të banuara, do ngjasojë pak a shumë me një rënien e një avioni. Por thonë ata, kjo ka pak gjasa të ndodhë. Më shumë, shanset janë që ajo raketë të bjerë në ujë, meqë edhe 75 % e globit është e mbuluar prej tij.
Rënia e raketës pritet mes datave 8 dhe 9 maj, e, pavarësisht sugjerimeve të ekspertëve të fushës, sërish nuk mungojnë vendet që u bëjnë apel shtetasëve të tyre, që këto dy ditë të përpiqen të mos rrinë në vende të hapura, apo të mbajnë dritaret hapur, në mënyrë që të rrezikojnë dëmtime nga rënia e kësaj rakete hapësinore.
