Çmimi letrar më prestigjoz i Francës, Prix Goncourt, ka ndryshuar në mënyrë drastike rregullat e pranimit pas një skandali nepotizmi në jurinë e tij. Me një efekt të menjëhershëm, asnjë i afërm, bashkëshort, partner apo i dashur i një anëtari jurie, nuk mund të merret në konsideratë për të qenë fitues i çmimit, që ka mes fituesëve të vet edhe emra shkrimtarësh me famë botërore si Marcel Proust e Simone de Beauvoir.
Vendimi erdhi për shkak se të marrjes vesh se njri prej autorëve, Francois Noudelmann, romani i të cilit qe në listën e kanddatëve, kishte një marrëdhënie romantike me një prej anëtarëve të jurisë, Camille Laurens.
Çifti u përpoq të justifikohej se ata nuk qenë të martuar e se jetonin në qytete të ndryshme, pra që Laurens nuk do të mbante me hatër punën e Noudelmann-it dhe fillmisht Akademia Goncourt ra dakord, duke pohuar se marrëdhënia e tyre nuk qe një arsye e mjaftueshme për të përjashtuar një zë dinjitoz në letërsi prej kandidimit. Por, pas presionit në rritje të opinionit publik, Akademia njoftoi ndryshimin e rregullave, si dhe përjashtimin e librit të Noudelmann-it nga gara.
E përditshmja franceze Le Monde, shprehet se në të ardhmen mosdeklarimi i marrëdhënieve të tilla, do të sjellë përjashtimin e anëtarit të jursë nga Akademia Goncourt.
Një tjetër rregull i nxjerrë po nga kjo Akademi, është që anëtarët e jurisë nuk mund të shkruajnë recensione për asnjë prej veprave kandidate për çmim në listë, masë e cila i referohet sërisë Camille Laurens, e cila shkroi një kritikë për një nga romanet kandidate në garë.
Cmimi “Goncourt” do të jepet më 3 nëntor. Fituesit i jepet vetëm 10 euro, sepse mendohet çmimi që fitojnë realisht fituesit, është vendi në historinë e letërsisë franceze e botërore.
