Në konferencën e sotme përpara gazetarëve, kreu i qeverisë, Rama, ka bërë me dije, se emri i përgjedhur nga grupi parlamentar i PS-së është Bajram Begaj, i cili mban aktualisht pozicionin e Shefit të Shtabit të Përgjithshëm të Forcave të Armatosura të Shqipërisë.
Kemi përmbyllur procesin e kandidaturës që do të shpiem në Kuvend, tha Rama, për të votuar presidentin e ri të Republikës së Shqipërisë. Sot procesi është përmbyllur duke vënë në dispozicion të kryesisë të gjitha emrat me zarfat e sekretuar. Janë ndarë zarfat në tre grupe. Ka pasur 26 kandidatura që janë shoshitur në një numër të caktuar emrash, për të arritur në përfundimin që grupi ynë do të mbështesë Bajram Begën, shefin aktual të Forcave të Armatosura, për të qenë president i Shqipërisë. Kjo nga se ai se është shëmbëlltyra e atij sensi të qytetarie, për të cilin ajo zyrë ka nevojë urgjente, tha mes të tjerave Rama.
Po kush është Barjam Begaj, përzgjedhur nga Grupi i Partisë Socialiste si kandidatura më e përshtatshme për Presidentin e ri të vendit në vend të Ilir Metës?
Bajram Begaj ka lindur më 20 mars të 1967-s në Rrogozhinë, ka mbaruar fakultetin e Mjekësisë dhe aktualisht është Shefi i Shtabit të Përgjithshëm të Forcave të Armatosura Shqiptare, një detyrë që ka marrë më 2020-n.
Më parë Begaj ka shërbyer si Komandant i Komandës së Trajnimit dhe Doktrinës, Shef i Njësisë Mjekësore Ushtarake, Drejtor i Inspektoratit Shëndetësor dhe Kryeinspektor, si dhe Këshilltar i Inspektoratit Shëndetësor në Shtabin e Përgjithshëm të Forcës së Armatosur Shqiptare.
Begaj është i martuar dhe ka dy fëmijë.
